កេនយ៉ា៖ រដ្ឋាភិបាលកេនយ៉ា នៅថ្ងៃសៅរ៍ កន្លងទៅនេះ បានប្រកាសឲ្យដឹងពីការកើនឡើងនៃជំងឺខួរឆ្អឹងខ្នង បន្ទាប់ពីស្ងប់ស្ងាត់រយ:ពេល ២៩ឆ្នាំ។
រដ្ឋាភិបាលបានកំណត់សម្គាល់ឃើញថា ការកើនឡើងវិញជំងឺខួរឆ្នឹងខ្នងនៅក្នុងប្រទេសកេនយ៉ាបន្ទាប់ពីជំងឺនេះបានលុបបំបាត់តាំងពីក្នុងអំឡុងឆ្នាំ ១៩៨៤។ រដ្ឋាភិបាលបានប្រកាសឲ្យដឹងនៃការផ្ទុះឡើងវិញអំពីជំងឺខួរឆ្នឹងខ្នង ហើយរដ្ឋាភិបាលក៏បានចាត់វិធានការសង្គ្រោះបន្ទាន់ ដោយមានមន្ត្រីផ្នែកសុខភាពសាធារណ:ដែលដឹកនាំដោយមន្ត្រីក្រសួងសុខាភិបាលក្នុងការតាមដាន ជួយសង្គ្រោះ និងចាក់ថ្នាំបង្ការដើម្បីធានាទៅលើសុខភាពសាធារណ:។
នៅក្នុងប្រទេសអាហ្វ្រិកខាងកើត ត្រូវបានផ្ដល់ថ្នាំចាក់ជំងឺខួរឆ្នឹងខ្នងដោយឥតគិតថ្លៃនៅក្នុងរយ:ពេលប៉ុន្មានឆ្នាំចុងក្រោយ ប៉ុន្តែដោយសារតែការផ្ដល់ថ្នាំបង្ការមិនបានគ្រប់តំបន់ទើបធ្វើឲ្យជំងឺនេះនៅមានភាពរីករាលដាល។
អង្គការសុខភាពពិភពលោក (WHO) និង UNICEF បានឲ្យដឹងថា ខ្លួនបានអន្តរាគមន៍យ៉ាងឆាប់រហ័ស ដោយមានរដ្ឋាភិបាល និងមន្ត្រីក្នុងតំបន់សហការជាមួយ និងទីភ្នាក់ងារអង្គការសហប្រជាជាតិ(UN) ក្នុងការទប់ស្កាត់នៃការផ្ទុះឡើងនៃជំងឺនេះ។
ក្រសួងសុខាភិបាលបាននិយាយថាប្រទេសដែលនៅជិតកេនយ៉ា ដូចជា ប្រទេស៊ូដង់ខាងត្បួង អ៊ូហ្គង់ដា អេត្យូពី និងសូម៉ាលីមានហានិភ័យខ្ពស់បំផុតដោយសារតែករណីដែលបានរាយការណ៍នៅក្នុងប្រទេសនេះភាគច្រើនត្រូវបាននាំចូលពីបណ្ដាលប្រទេសទាំងនេះ៕
មតិយោបល់