ប៉េរ៉ូ៖ចាប់ពីម៉ោង ៣ រសៀល Robes និង មិត្តភក្តិរបស់គេ ចាប់ផ្តើមត្រៀមខ្លួនសម្រាប់ដំណើររាត្រីដ៏វែងឆ្ងាយរបស់ពួកគេ។ដោយក្នុងនោះពួកគេបានរៀបចំ ការតុបតែងមុខ ធ្វើសក់ និងជួយស្លៀកពាក់ឲ្យគ្នាទៅវិញ ទៅមក តាមតែលទ្ធភាពធ្វើទៅបាន។
ដំណើរ Robes និងមិត្តភក្តិដែលជាខ្ទើយដូចគ្នា ដោយត្រូវឈរ តាមផ្លូវ ដើម្បីលក់ខ្លួន ពីក្បាលល្ងាចរហូតដល់ម៉ោង ៩ ជាពេលវេលាដែលអ្នកត្រូវការផ្លូវភេទមានតិចតួចបំផុត។ ចាប់ពីម៉ោង ១២ រហូតដល់ម៉ោ ៣ រំលងអធ្រាត្រ ជាពេលវេលា ដែលមនុស្សជាច្រើន ចាប់ផ្តើមកក្រើកអារម្មណ៍ ត្រូវការដៃគូដើម្បីរួមរ័ក ដោយអតិជន ដែលត្រូវការពួកគេ អាចជិះយឺតៗក្នុងក្រុង និងសំឡឹងភ្នែកមើល បុរសរកស៊ីពេស្យាចារ និងធ្វើការចរចារតម្លៃ ។
Robes បាននិយាយថា រៀងរាល់យប់ គេអាចរកអតិថិជនបាន ចាប់ពី ២ ទៅ ៣ នាក់ នឹងម្នាក់អាចទទួលបានតម្លៃពី ១,៥ ដុល្លារ ដល់ ៤,៥ ដុល្លារ ក្នុងម្នាក់ ដែលជាតម្លៃមួយដ៏ថោកបំផុត តែបើសិនជាមានរថយន្តទំនើបមកទាក់ខ្លួន នោះ គេនឹងអាចបានតម្លៃខ្ពស់ទៅតាមនោះ។ ដោយទាក់ទិនរឿងស្រោមអនាម័យ ដែលផ្តល់ឲ្យភ្ញៀវវិញ គាត់តែងតែទៅយកនៅគ្លីនិក ដែលគាត់ត្រួតពិនិត្យសុខភាពជារៀងរាល់ខែ ។
បញ្ជាក់ផងដែរថា Robes ជាជនជាតិប៉េរ៉ូ ក្នុងទីក្រុង Iquitos ដោយក្លាយជាប្រុសលក់ខ្លួន និងប្រែក្លាយជាមនុស្សស្រី តាំងតែពីខ្លួននៅអាយុ ១២ ឆ្នាំ ខណៈដែលដែលខ្លួនកំពុងរៀននៅអនុវិទ្យាល័យដោយសារតែបញ្ហាគ្រួសារក្រលំបាក៕
មតិយោបល់