ស្ដ្រីជនជាតិចិនម្នាក់សម្រាលកូនបានទម្ងន់ ៥,៩គីឡូក្រាម ដែលធ្វើឲ្យមានការភ្ញាក់ផ្អើលយ៉ាងខ្លាំង ហើយត្រូវបានប្រព័ន្ធ ផ្សព្វផ្សាយជាច្រើនចុះផ្សាយយ៉ាងសន្ធឹក។
យោងតាមសារព័ត៌មាន Mirror បានបញ្ជាក់ថាស្ត្រីម្នាក់វ័យ ២៧ឆ្នាំ ជនជាតិចិន ដែលស្គាល់ឈ្មោះ សម្រាលបានកូនម្នាក់(មិនច្បាស់ថាស្រី ឬប្រុសនោះទេ) ដែលមានទម្ងន់រហូតដល់ទៅ ៥,៩គីឡូក្រាម។
ក្រុមវេជ្ជបណ្ឌិតនៅក្នុងមន្ទីរពេទ្យសៀងហៃបាននិយាយថា របបអាហារ និងកត្ដាមួយចំនួនផ្សេងទៀតបានជំរុញឲ្យទារកនេះកើតមកមានទម្ងន់ធ្ងន់យ៉ាងនេះ។ ចំណុចមួយទៀតគឺម្ដាយទារកបានចំណាយពេលជាច្រើននៅលើគ្រែខណៈពេលដែលកំពុងមានផ្ទៃពោះ។ ម្ដាយរបស់ទារកនេះ ក៏បានថ្លែងប្រាប់សារព័ត៌មានក្នុងស្រុកថា គាត់តែងតែផឹកទឹកដោះគោមួយកែវ និងញ៉ាំស៊ុតមួយគ្រាប់ជារៀងរាល់ថ្ងៃ ហើយក៏ទទួលទានផ្លែឈើជាប្រចាំផងដែរ។
នេះមិនមែនជាលើកទីមួយនោះទេ ដែលប្រទេសចិនជួបរឿងបែបនេះ ដោយកាលពីឆ្នាំ ២០១២ មានទារកម្នាក់ឈ្មោះ Chun Chun នៅក្នុងក្រុង Xunxiang កើតមកមានទម្ងន់ ៦,៨គីឡូក្រាម៕
មតិយោបល់