អ្នកតាមដានសស្ថានភាពនយោបាយអន្តរជាតិប្រាកដជាបានដឹងថា មូលហេតុតំបូងដែលបានធ្វើឲ្យស្ថានភាពនយោបាយថៃស្ថិតដល់តំណាក់កាលនេះដោយសារអ្វីនិងដោយសារអ្នកណា?
បុរសម្នាក់ដែលមានឈ្មោះថាថាក់ស៊ីនស៊ីណាវ៉ាត្រាជាមនុស្សតែម្នាក់គត់ដែលប្រជាជនថៃគ្រប់រូបទាំងខាងគណបក្សកាន់អំណាចនិងប្រឆាំងបានស្គាល់ថាបានកាន់អំណាចអស់រយៈពេលជិតមួយទស្សវត្សបើទោះបីជារូបគាត់ត្រូវបានគេបណ្តេញចេញពីតំណែងកាលពីខ្ទង់ឆ្នាំ 2006 ក្តីដោយការធ្វើរដ្ឋប្រហារទម្លាក់។ខាងគណបក្សប្រឆាំងបានឡើងកាន់អំណាចម្តងរហូតមកទល់នឹងឆ្នាំ 2010 ការប៉ះទង្គិចគ្នារវាងក្រុមអ្នកនៅគាំទ្រលោកអតីតនាយករដ្ឋមន្ត្រីរូបនេះជាមួយនឹងក្រុមប្រឆាំងដែលកំពុងកាន់អំណាចក្នុងការទាមទារឲ្យសិទ្ធិត្រឡប់ចូលស្រុកថៃវិញរបស់លោកថាក់ស៊ីនកាលនោះបានធ្វើឲ្យមានមនុស្សជាច្រើននាក់បានបាត់បង់ជីវិតផង។
ក្រោយការបោះឆ្នោតសារជាថ្មីគណបក្សភឿថៃដែលមានវត្តមានបេក្ខភាពនាយករដ្ឋមន្ត្រីជាប្អូនស្រីបង្កើតរបស់លោកថាក់ស៊ីនបានធ្វើឲ្យគណបក្សប្រឆាំងមិនមានការសប្បាយចិត្តបាត់ទៅហើយ។មកដល់ពេលថ្មីៗនេះរដ្ឋាភិបាលរបស់លោកស្រីយីងឡាក់បានចេញសេចក្តីព្រាងច្បាប់មួយស្តីពីលទ្ធភាពនៃការអនុញ្ញាតិលើកលែងទោសនយោបាយដែលត្រូវបានគេជឿជាក់ថានឹងជាកត្តាមួយធ្វើឲ្យមានភាពងាយស្រួលដល់ការវិលត្រឡប់នៃអតីតនាយករដ្ឋមន្ត្រីថៃលោកថាក់ស៊ីនមកកាន់ប្រទេសខ្លួនវិញ។
វាជាមូលហេតុថ្មីមួយទៀតដែលក្រុមប្រឆាំងបានប្រើប្រាស់ក្នុងការប្រមូលក្រុមអ្នកតវ៉ានិងធ្វើបាតុកម្មជាបន្តបន្ទាប់ហើយក្រោមការដឹកនាំរបស់លោកស៊ូថេបដែលលោកធ្លាប់មានតំណែងជាឧបនាយករដ្ឋមន្ត្រីផងនោះលោកបាននិយាយថាដរាបណារដ្ឋាភិបាលនៅតែមានជាប់ពាក់ព័ន្ធនឹងរូបលោកថាក់ស៊ីននោះការធ្វើបាតុកម្មក៏នឹងមិនអាចបញ្ឈប់បាននោះដែរ៕
https://i1272.photobucket.com/albums/y389/domneng/Ailya/ProtestatThai3_zpsd506043c.jpg
https://i1272.photobucket.com/albums/y389/domneng/Ailya/ProtestatThai1_zps259064dd.jpg
https://i1272.photobucket.com/albums/y389/domneng/Ailya/ProtestatThai2_zpse28cb449.jpg
មតិយោបល់