ម៉ិចស៊ិក៖យោងតាមគេហទំព័របរទេសនានាដែលចុះផ្សាយកាលពីពេលថ្មីនេះបានឲ្យដឹងថា អាជ្ញាធរប្រទេសម៉ិចស៊ិចបានរកឃើញសាកសព្វ ៤២ ដែលកប់នៅក្នុងផ្នូរតែមួយ កាលពីថ្ងៃអង្គារ ទី ២៦ ខែ វិច្ឆិកា ឆ្នាំ ២០១៣ រួមទាំងសាកសព ៦ ផ្សេងទៀតក៏ត្រូវបានគេរកឃើញដែរ។
សាកសពជាច្រើនមានស្នាមរបួសដោយគ្រាប់កាំភ្លើង និងស្លាកស្នាមនៃការធ្វើទារុណកម្មយ៉ាងដំណំ។ ផ្នូរចំនួន ២២ ត្រូវបានគេរកឃើញនៅក្នុងទីក្រុង Bacelona ក្នុងកំឡុងពេលនៃការស៊ីបអង្កេតស្វែងរកប៉ូលិសពីរនាក់ដែលបានបាត់ខ្លួន។ លោកមេធាវី Murillo Karam បាននិយាយថាយើងចាប់ផ្តើមធ្វើការស៊ីបអង្កេត បន្ទាប់ពីប៉ូលិសពីរនាក់បានបាត់ខ្លួនរហូតដល់រកឃើញផ្នូរដ៏ធំនោះ។ ប៉ុន្តែលោកមេធាវីបានបន្ថែមទៀតថា ប៉ូលិសពីរនាក់ដែលបានបាត់ខ្លួននោះគឺមិនមាននៅក្នុងចំណោមសាកសព្វទាំងអស់នោះទេ ដូច្នេះមានតែធ្វើការស៊ីបអង្កេតបន្តទៀត។ ទីក្រុង Bacelona គឺជាកន្លែងដែលប៉ះទង្គិចគ្នាញឹកញាប់រវាងសមត្ថកិច្ច និងក្រុមឧទ្ទាម ប៉ុន្តែជនល្មើសទាំងនោះបានប្រគល់ខ្លួនឲ្យប៉ូលិសចាប់ជាបន្តបន្ទាប់៕
ព័ត៌មានជាតិ
មតិយោបល់