ទីភ្នាក់ងារអវកាស ណាសា គ្រោងនឹងបញ្ជូនគ្រាប់ពូជទៅកាន់ឋានព្រះចន្ទនៅក្នុងឆ្នាំ ២០១៥ ដើម្បីសាកល្បងដាំដុះ ដែលនៅក្នុងនោះរួមានបន្លែ និងរុក្ខជាតិផ្សេងៗជាច្រើនមុខ។
ការសាកល្បងដាំបន្លែ និងរុក្ខជាតិនេះគឺដើម្បីចង់ដឹងថា តើមនុស្សអាចរស់នៅបាននៅលើភពព្រះចន្ទអត់ ព្រោះថាបើសិនជារុក្ខជាតិអាចដុះលូតលាស់បាន នោះមានន័យថា នៅលើពភព្រះចន្ទគឺមនុស្សអាចរស់នៅបាន។
ការបញ្ជូន និងដាំដំណាំទាំងនេះ ត្រូវបានរៀបចំឡើយយ៉ាងយកចិត្តទុកដាក់បំផុត ព្រមទាំងរៀបចំជាប្រព័ន្ធ ដោយផ្ដោតតាមការពន្យល់បានឲ្យដឹងថា នៅពេលដែលយានដឹកដំណាំទៅដល់ឋានព្រះចន្ទ វានឹងមានគន្លឹះតូចមួយគាស់ធុងទឹកបញ្ចេញទៅលើគ្រាប់ពូជ។
ទីភ្នាក់ងារអវកាសមួយនេះ គ្រោងបញ្ជូនកូនរុក្ខជាតិទាំងនោះទៅឋានព្រះចន្ទតាមរយៈយានអវកាសពាណិជ្ជកម្ម Moon Express Lander ដែលកំពុងប្រកួតប្រជែងដើម្បីឈ្នះពានរង្វាន់ Lunar X-Prize របស់ Google ក្នុងឆ្នាំ ២០១៥ ខាងមុខនេះ៕
មតិយោបល់