ទីក្រុងបាងកក (02/12/13) ៖តុលាការផ្នែកឧក្រិដ្ឋកម្មរបស់ថៃកាលពីថ្ងៃច័ន្ទនេះបានចេញដីកាតាមចាប់ខ្លួនមួយថ្មីទៀតក្នុងការតាមចាប់ខ្លួនមេដឹកនាំក្រុមធ្វើបាតុកម្មលោក Suthep Thaugsuban ពីបទធ្វើការបះបោរ។
លោក Suthep ត្រូវបានគេចោទប្រកាន់យ៉ាងងាយថាជាអ្នកដើមហេតុប្រមូលក្រុមបាតុកររាប់ពាន់នាក់ដើម្បីប្រឆាំងនឹងរដ្ឋាភិបាលហើយក៏ជាអ្នកដែលដឹកនាំក្រុមបាតុករក្នុងការលុកលុយនិងកាន់កាប់ក្រសូងនិងទីកន្លែងសំខាន់ៗរបស់រដ្ឋផងដែរ។លោកថែមទាំងត្រូវបានចោទប្រកាន់ពីការប្រើប្រាស់កម្លាំងខុសច្បាប់ជាមួយនឹងអាវុធដើម្បីធ្វើការគម្រាមកំហែងដល់អាយុជីវិតឆ្មាំការពារស្ថាប័នរដ្ឋ។
ដីការដែលបានចេញកាលពីថ្ងៃច័ន្ទពីបទឧទ្ទាមកម្មដែលបានសំដៅដល់ការប្រព្រឹត្តខុសនឹងច្បាប់រដ្ឋធម្មនុញ្ញរបស់ប្រទេសថៃផងនិងក្នុងន័យញុះញង់ធ្វើឲ្យមានការអស្ថេរភាពសង្គមផង។គួរបញ្ចាក់លោក Suthep ក៏ធ្លាប់បានទទួលដីការតាមចាប់ខ្លួនមួយមកហើយដែរកាលពីពេលដែលលោកបានកាន់កាប់ក្រសួងហិរញ្ញវត្ថុបានភ្លាមៗហើយការជួបពិភាក្សាគ្នាដល់ទៅ 2 ដងជាមួយនឹងនាយករដ្ឋមន្ត្រីយីងឡាក់ក៏មិនបានឃើញដល់មានការចាប់ខ្លួនអ្វីនោះឡើយ៕
មតិយោបល់