នាយករដ្ឋមន្ត្រីអង់គ្លេស លោក David Cameron នៅក្នុងដំណើរទស្សនកិច្ចជាលើកដំបូងនៅក្នុងប្រទេសចិន បានសន្យាថានឹងបង្កើនភាពជាដៃគូជាមួយចិនកាន់តែរីកចម្រើនទ្វេរដង ស្របពេលដែលលោកនាយករដ្ឋមន្ត្រីកំពុងតែធ្វើបេសកកម្ម ពាណិជ្ជកម្មនៅប្រទេសយក្សអាស៊ីមួយនេះ ដោយមានការហែហមមកជាមួយនូវមេដឹកនាំធុរកិច្ចទាំង ១០០របស់អង់គ្លេស។
យោងតាមទីភ្នាក់ងារព័ត៌មានចិន ស៊ិនហួ បានឲ្យដឹងថា លោក Cameron នឹងជួបពិភាក្សាជាមួយនាយករដ្ឋមន្ត្រីចិនលោក លី កឺឈាំង ពាក់ព័ន្ធនឹងការដោះដូរពាណិជ្ជកម្មសេរីរវាងប្រទេសអង់គ្លេស និងចិន ដែលតាមការឲ្យដឹងមានទឹកប្រាក់ប្រមាណច្រើនពាន់លានដុល្លារអាមេរិកក្នុងមួយឆ្នាំ។
ប្រទេសនៅក្នុងតំបន់អឺរ៉ុបមួយចំនួនបានបង្ហាញពីក្ដីព្រួយបារម្ភ ទៅលើកិច្ចដោះដូរពាណិជ្ជកម្មនេះ ដោយសារតែអង់គ្លេសបាននាំចូលទំនិញថោកៗពីចិន ដែលធ្វើឲ្យប៉ះពាល់ដល់ទីផ្សារ។ លោក Ed Miliband មេដឹកនាំគណបក្សពលករដែលជាបក្សជំទាស់របស់អង់គ្លេសក៏បានព្រមានពីសញ្ញាចាញ់ប្រៀបក្នុងការធ្វើជំនួញជាមួយចិន ដោយ លោកបានអំពាវនាវឲ្យមានការផ្ដោតចិត្តទុកដាក់ឡើងវិញ៕
មតិយោបល់