សុំទោស Microsoft មើលទៅប្រព័ន្ធដំណើរការ Windows 8 ប្រហែលជាមិនអាចយកឈ្នះ Windows 7 បាននោះទេ បើទោះបីជាខំជំរុញឲ្យមានការប្រើ Windows 8 ពីសំណាក់ក្រុមហ៊ុនក្ដី។
យោងតាមរបាយការណ៍របស់ Net Applications បានបង្ហាញថា ការកើនឡើងនៃអ្នកប្រើប្រាស់ Windows 8 និង Windows 8.1 នៅក្នុងខែវិច្ឆិកា មានត្រឹមតែ ០,០៥ភាគរយប៉ុណ្ណោះ ខណៈដែល Windows 7 កើនឡើង ០,២២ភាគរយ។
ក្រុមហ៊ុន Microsoft បានជំរុញឲ្យអ្នកប្រើ Windows XP ធ្វើការ Upgrade ទៅប្រើ Windows 8 ប៉ុន្តែជាក់ស្ដែងអ្នកប្រើប្រាស់មិនបាន Upgrade ទៅប្រើ Windows 8 នោះទេគឺពួកគេប្រើ Windows 7 ទៅវិញ។ ហេតុផងតែមួយគត់គឺអ្នកប្រើភាគច្រើនមិនទាន់យល់ច្បាស់ពីលក្ខណៈពិសេសនៃ Windows 8 ហើយបាននិយាយថា វាពិបាកក្នុងការប្រើ។
ក្រុមអ្នកវិភាគ ភាគច្រើនបានយល់ឃើញថា អ្នកប្រើប្រាស់ Windows 7 ភាគច្រើនគឺជាអ្នកប្រើប្រាស់ធម្មតា (Normal user) ដូច្នេះគាត់ពិបាកក្នុងការបត់បែនមកប្រើ Windows 8 ប៉ុន្តែពួកគេនឹងចាប់អារម្មណ៍វានៅពេលដែល Microsoft ព្យាយាមបង្ហាញពីលក្ខណៈល្អៗរបស់ Windows 8៕
មតិយោបល់