ទីក្រុងប៉េកាំង (03/12/13) ៖សហរដ្ឋអាមេរិកដែលមានរូបលោកអនុប្រធានាធិបតី Joe Biden ជាមួយនឹងភាគីជប៉ុនដែលមានលោកនាយករដ្ឋមន្ត្រី Shinzo Abe បានជួបពិភាក្សាគ្នានៅក្នុងទីក្រុងតូក្យូកាលពីថ្ងៃចន្ទហើយក្នុងជំនួបនេះដែរការងារផ្តោតសំខាន់គីការពង្រឹងកិច្ចសហប្រតិបត្តិការទ្វេរភាគីរវាងប្រទេសទាំងពីរ។
មេដឹកនាំទាំងពីរបានបើកឲ្យសន្និសិទកាសែតមួយផងដែរនៅក្រោយកិច្ចប្រជុំដែលបានធ្វើឡើងម្តងទៀតស្តីពីសារៈសំខាន់នៃទំនាក់ទំនងជាមួយជប៉ុនកូរ៉េខាងត្បូងក៏ដូចជាចិនផងដែរ។នៅពេលដែលក្រុមអ្នកកាសែតបានសាកសួរពីប្រធានបទនៃការដាក់ប្រកាសតំបន់ហាមហោះហើររបស់ចិននោះលោក Biden បានឆ្លើយតបថាវាជាការព្រួយបារម្ភធំបំផុតរបស់អាមេរិកទៅលើស្ថានភាពនាពេលអនាគត។
នៅយប់ថ្ងៃអង្គារក្រោយការទទួលធ្វើកិច្ចពិភាក្សាការងារនៅក្នុងអាហារពេលល្ងាចចប់រួចរាល់លោកអនុប្រធានាធិបតីអាមេរិកបានហោះចាកចេញពីជប៉ុនទៅកាន់ប្រទេសចិននាថ្ងៃពុធនេះដើម្បីធ្វើការជួបពិភាក្សាជាមួយនឹងលោកប្រធានាធិបតីចិន Xi Jiping និងថ្ងៃបន្ទាប់ទៅកាន់កូរ៉េខាងត្យូងដែលជាទិសដៅចុងក្រោយ៕
មតិយោបល់