ប៉ៃលិនៈ កាលពីវេលាម៉ោង ១០ ថ្ងៃទី២៧ ខែមីនា ឆ្នាំ២០១៨ មានករណីបាត់ក្មេងស្រីម្នាក់ ឈ្មោះឆោម សុធាវី ភេទ ស្រី អាយុ ១៥ឆ្នាំ មុខរបរជាងអ៊ុតសក់ (នៅផ្សារសាលាក្រៅ) រស់នៅភូមិលាវ ឃុំសាលាក្រៅ ស្រុកសាលាក្រៅ ខេត្តប៉ៃលិន។

សម្ភារៈដែលនៅជាប់ ជាមួយនឹងក្មេងស្រី មានដូចជា ជញ្ជៀន ១វង់ ខ្សែដៃ ១ខ្សែ និងខ្សែក ១ខ្សែ។

តាមការបញ្ជាក់ ពីម្តាយជនរងគ្រោះ បានឲ្យដឹងថា មានគេប្រាប់ថា ឃើញជនរងគ្រោះទៅជាមួយ មនុស្សស្រី (មិនស្គាល់ឈ្មោះ) ជិះម៉ូតូម៉ាកឌ្រីម ពណ៌ខ្មៅ ស៊េរីឆ្នាំ ២០១៨ ទំនងប្រហែលជាមិត្តភក្តនឹងគ្នា។

ពាក់ព័ន្ធនឹងករណីនេះ សមត្ថកិច្ចជំនាញ កំពុងធ្វើការស្រាវជ្រាវ និងស្វែងរកបន្ត៕