គេហទំព័រ Hotfile ត្រូវបានតុលាការនៃរដ្ឋ Florida សហរដ្ឋអាមេរិកបានបញ្ជាឲ្យបង់ប្រាក់ប្រហែល ៨០លានដុល្លារអាមេរិក ដល់ក្រុមហ៊ុន Motion Picture Association of America ជាការសងជំងឺចិត្ត ព្រោះតែបានរំលោភលើកម្មសិទ្ធិបញ្ញា។
បណ្ដឹងរបស់ Motion Picture បានធ្វើឡើងកាលពីឆ្នាំ ២០១១ ដោយបានចោទប្រកាន់ថា Hotfile បានរំលោភលើកម្មសិទ្ធិបញ្ញាក្នុងការចែករំលែកនូវភាពយន្តដោយគ្មានការអនុញ្ញត ហើយបានទាមទរសំណងជំងឺចិត្តនូវទឹកប្រាក់ប្រមាណ ៥០០លានដុល្លារអាមេរិក ប៉ុន្តែតុលាការសម្រេចឲ្យសងតែ ៨០លានដុល្លារអាមេរិកប៉ុណ្ណោះ។
លោក Chris Dodd ប្រធានក្រុមប្រឹក្សាភិបាល និងជានាយកប្រតិបត្តិ Motion Picture បាននិយាយថា Holfile បានរំលោភលើកម្មសិទ្ធិបញ្ញារបស់ខ្លួន ហើយយើងក៏បានភស្ដុតាងជាក់លាក់ផងដែរ ចាពិសេសនៅពេលនេះ យើងសូមជូនដំណឹងដល់ក្រុមហ៊ុនផ្សេងគួរតែមានវិធានឲ្យហើយទៅ ព្រោះថាខ្លួននឹងចាប់ផ្ដើមដាក់ពាក្យបណ្ដឹងបន្ដទៅលើគេហទំព័រមួយចំនួនដែលល្មើស៕
មតិយោបល់