ការផលិតប្រេងនៅក្នុងរដ្ឋតិចសា ដែលជាប្រភពផលិតប្រេងធំជាងគេរបស់សហរដ្ឋអាមេរិក បានកើនឡើងខ្ពស់នៅក្នុងខែកញ្ញា ឆ្នាំ ២០១៣។ នេះបើយោងតាមទិន្នន័យដែលបានចេញផ្សាយនៅថ្ងៃអង្គារម្សិលមិញ។
យោងតាមសារទីភ្នាក់ងារព័ត៌មានចិន ស៊ិនហួ បានឲ្យដឹងថា នៅក្នុងមួយថ្ងៃការផលិតប្រេងចៅក្នុងរដ្ឋតិចសាសបានចំនួន ២,៧លានបារ៉ែល កាលពីខែកញ្ញា ស្មើនឹង ៣៥ភាគរយនៃផលិតផលប្រេងចៅសរុបដែលផលិតបានទូទាំងសហរដ្ឋអាមេរិកកាលពីខែកញ្ញា ដែលនេះជាភាគរយមួយខ្ពស់មិនធ្លាប់មានចាប់តាំងពីខែមករា ឆ្នាំ ១៩៨១មក។
ប្រភពខាងលើបានបញ្ជាក់បន្ថែមទៀតថា នៅក្នុងរយៈពេល ២៥ខែជាប់ៗគ្នា ការផលិតប្រេងនៅក្នុងរដ្ឋតិចសាសបានកើនឡើង ២៥ភាគរយ។បើយោងតាមការិយាល័យព័ត៌មានថាមពលបានឲ្យដឹងថាការផលិតប្រេងប្រចាំឆ្នាំនៅក្នុងរដ្ឋតិចសាសអាចនឹងកើនឡើងដល់៣លានបារ៉ែលក្នុងមួយថ្ងៃ៕
មតិយោបល់