ទីក្រុងវ៉ាស៊ិនតោន (04/12/13) ៖កាសែត the Washington កាលពីថ្ងៃពុធនេះបានសរសេរអត្ថបទមួយដែលនិយាយពីរបាយការណ៍សម្ងាត់ធ្លាយចេញពីអតីតក្រុមការងាររបស់ទីភ្នាក់ងារសន្តិសុខជាតិអាមេរិក The US National Security Agency(NSA) លោក Snowden ដែលបានបង្ហើបថាទីភ្នាក់ងារមួយនេះបានប្រមូលទិន្នន័យដែលមនុស្សបានប្រើប្រាស់តាមរយៈទូរស័ព្ទនៅជុំវិញពិភពលោកជាង 5 ពាន់លានទិន្នន័យជារៀងរាល់ថ្ងៃ។
ទីភ្នាក់ងារ NSA របស់អាមេរិកបានប្រើប្រាស់ប្រព័ន្ធប្រមូលទិន្នន័យ CO-TRAVELER ដើម្បីវិភាគនិងស្វែងរកព័ត៌មានដែលអាចកំណត់និងសម្គាល់ក្រុមមនុស្សដែលទំនាក់ទំនងគ្នាជាក្រុមឬជាចលនាណាមួយ។កាសែតនោះក៏បានបញ្ជាក់ផងដែរថា NSA មិនអាចដឹងថាមួយភាគតូចណាមួយដែលនៃព័ត៌មានដែលមានសារៈសំខាន់ក្នុងការប្រមូលព័ត៌មានរបស់ខ្លួននោះទេហេតុដូចនេះហើយពួកគេបានប្រើប្រាស់ប្រព័ន្ធផ្ទុកទិន្នន័យធំបំផុតហើយផ្ទុករាល់ទិន្នន័យទាំងអស់ដែលរកបានហើយតាមតែអាចធ្វើទៅបាន។
អ្នកគ្រប់គ្រងផ្នែកខាងប្រមូលព័ត៌មានរបស់ទីភ្នាក់ងារ NSA បាននិយាយប្រាប់ដល់កាសែតក្នុងលក្ខណ្ឌដែលមានការអនុញ្ញាតិពីទីភ្នាក់ងាររបស់ខ្លួនបានឲ្យដឹងថាទំហំនៃការប្រមូលព័ត៌មានគឺពិតជាធំហើយពួកយើងបានធ្វើវាតាមរយៈការប្រមូលពីខ្សែកាបទូរស័ព្ទនានា៕
មតិយោបល់