តាមប្រភពព័ត៌មានបរទេសដែលបានចុះផ្សាយនៅថ្ងៃទី ៩ ខែធ្នូឆ្នាំ ២០១៣ បានឲ្យដឹងថា កសិករម្នាក់ដែលមានកូនប្រាំនាក់ក្នុងបន្ទក់បានដាច់ចិត្តធ្វើអត្តឃាតខ្លួនឯង បន្ទាប់ពីប៉ូលិសក្នុងតំបន់ធ្វើការរឹបអូសស្បៀងអាហាររបស់គាត់ទាំងអស់ សម្រាប់បទល្មើសរំលោភបំពានលើច្បាប់។ នៅក្នុងរបាយការណ៍បញ្ជាក់ថាកសិកររូបនោះមានឈ្មោះ Who Guangdong មានវ័យ ៤៥ ឆ្នាំរស់នៅខេត្ត Hebei ប្រទេសចិនដែលត្រូវបានប៉ូលិសរឹបអូសពោតដែលជាស្បៀងអាហារដ៏សំខាន់របស់គាត់ចំនួន ៣ តោនកន្លះ។ នេះជាប្រភពចំណូលដ៏សំខាន់សម្រាប់គ្រួសារមួយនេះដែលត្រូវប្រមូលផលរហូតដល់ឆ្នាំក្រោយ។ កាលពីសប្តាហ៍មុនមន្ត្រីមូលដ្ឋានបានរឹបអូសពោតរបស់គ្រួសារគាត់ទាំងអស់ចំនួនប្រាំទីតាំងដោយសារតែគេគិតថាគាត់ធ្វើល្មើសច្បាប់។ នៅថ្ងៃទី ៩ ខែធ្នូ គាត់បានទៅ ជួបលេខាធិការក៏មានភាពចម្រូងចម្រាស់កើតមានឡើង។ ដោយសារតែហេតុការណ៍នេះកើតឡើងបន្ទាន់គាត់បានផឹកថ្នាំសំលាប់សត្វល្អិតមួយដប់ ហើយបានស្លាប់នៅក្នុងមន្ទីរពេទ្យ៕
ព័ត៌មានជាតិ
មតិយោបល់