ចិន៖បើយោងតាមគេហទំព័រ yourjewishnews បានឲ្យដឹងថាបុរសម្នាក់បានធ្វើអត្តឃាតខ្លួនឯងពីលើផ្សាទំនើបជាន់ទី ៧ បន្ទាប់ពីបញ្ឈប់មិត្តស្រីរបស់ខ្លួនមិនឲ្យដើរទិញឥវ៉ាន់ទៀតមិនបាន។ បុរសម្នាក់នោះត្រូវបានគេស្គាល់ថាឈ្មោះ Tao Hsiao មានវ័យ ៣៨ ឆ្នាំបានលោតសម្លាប់ខ្លួនក្នុងកំឡុងពេលមានការឈ្លោះប្រកែកគ្នាជាមួយមិត្តស្រីរបស់គាត់នៅផ្សាទំនើប ដោយស្ត្រីរូបនោះទទូចបន្តដើរទិញឥវ៉ាន់បន្តទៀតតែគាត់ចង់ត្រឡប់មកផ្ទះវិញ។ ការឈ្លោះប្រកែកគ្នារបស់លោក Hsiao ជាមួយនឹងមិត្តស្រីរបស់គាត់នៅក្នុងផ្សារទំនើបមួយនៃទីក្រុង Xuzhou ខេត្ត Jiangsu ភាគខាងកើតប្រទេសចិន បន្ទាប់ពីរយៈពេលប្រាំម៉ោងនៃការដើរទិញឥវ៉ាន់ ហើយគាត់យល់ថាគ្រប់គ្រាន់សម្រាប់ប្រើប្រាស់រួចទាមទារឲ្យត្រឡប់មកផ្ទះវិញ។ សាក្សីនៅកន្លែងកើតហេតុឮគាត់និយាយថា ពួកយើងមានឥវ៉ាន់ច្រើនណាស់ដែលមិនអាចយួររួច ហើយស្បែកជើងរបស់នាងគឺវាគ្រប់គ្រាន់ដែលអាចប្រើប្រាស់បានមួយជីវិត ទោះបីជាយ៉ាងណានាងបានទទូចទៅហាងមួយផ្សេងទៀតដែលមានលក់ស្បែកជើងដើម្បីទិញបន្ថែម។ បន្ទាប់មកការឈ្លោះប្រកែកគ្នាក៏បានកើតមានឡើង ដោយសារតែអត់ទ្រាំមិនបាន Hsiao បានបោះកាបូបពីជាន់លើ ហើយបានលោតចុះមកដែរ អតិថិជនជាច្រើនបានឃើញហេតុការណ៍ដ៏រន្ធត់នេះក៏ប្រញាប់ចាកចេញផងដែរ។ ភ្លាមៗនោះបុគ្គលិកសង្គ្រោះបន្ទាន់មកដល់កន្លែងកើតហេតុ និងបានប្រកាសថាលោក Hsiao មិនអាចជួយសង្គ្រោះបានទេពីព្រោះគាត់បានស្លាប់បាត់បង់ជីវិតទៅហើយ៕
ព័ត៌មានជាតិ
មតិយោបល់