ចិន៖ការលក់រាយនៅក្នុងប្រទេសចិនបានកើនឡើង ១៣.៧ភាគរយ នៅក្នុងខែវិច្ឆិកា បើធៀបនឹងឆ្នាំមុនដោយបានកើនឡើងពី ១៣.៣ភាគរយ កាលពីខែតុលា។ នេះបើយោងតាមការិយាល័យស្ថិតិជាតិឲ្យដឹងនៅថ្ងៃអង្គារម្សិលមិញ។
ការិយាល័យជាតិបានបង្ហាញឲ្យដឹងទៀតថា ការលក់រាយនៅក្នុងរយៈពេល១០ខែដំបូងនៃឆ្នាំ ២០១៣កើនឡើង ១៣ភាគរយ មានទឹកប្រាក់ចំនួន ៣,៤៨ពាន់ពាន់លានដុល្លារអាមេរិក។ ការចំណាយនៅតាមទីក្រុងគិតជាទឹកប្រាក់មានចំនួន ១,៨២ពាន់ពាន់លានយន់ នៅក្នុងខែវិច្ឆិកា ដោយបានកើនឡើង ១៣.៦ភាគរយ បើធៀបនឹងឆ្នាំមុន ខណៈដែលការចំណាយនៅតាមទីប្រជុំជនមានចំនួន ២៨០,៨ពាន់លានយន់ ដោយកើនឡើង ១៤.៨ភាគរយ ធៀបនឹងរយៈពេលដូចគ្នាកាលពីឆ្នាំមុន។
ក្រសួងពាណិជ្ជកម្មចិនបានឲ្យដឹងនៅថ្ងៃចន្ទកន្លងទៅនេះថា ការលក់រាយនៅក្នុងប្រទេសចិននឹងកើនឡើងជាង ១៣ភាគរយ បើធៀបនឹងទៅឆ្នាំមុន៕
មតិយោបល់