តុលាការនៃប្រទេសឥណ្ឌាបានពង្រីកសវនាការទៅលើអាជ្ញាធរពន្ធក្នុងការរឹបអូសទ្រព្យសម្បត្តិក្រុមហ៊ុន Nokia ខណៈពេលដែលក្រុមហ៊ុនមួយនេះព្យាយាមជះលុយដើម្បីផ្ទេរទ្រព្យសម្បត្តិទៅឲ្យក្រុមហ៊ុន Microsoft ពាន់ព័ន្ធនឹងការទិញ-លក់អាជីវកម្មទូរស័ព្ទចល័ត។
កាលពីថ្មីៗនេះ ក្រុមហ៊ុន Nokia បាននិយាយថាខ្លួនហ៊ានចំណាយលុយ ២៧០លានអឺរ៉ូសម្រាប់បង់ឲ្យអាជ្ញាធរពន្ធរបស់ឥណ្ឌា ប៉ុន្តែជាថ្នូរឲ្យខ្លួនផ្ទេរសិទ្ធិកាន់កាប់រោងចក្រទៅឲ្យក្រុមហ៊ុន Microsoft។
រោងចក្រនៅក្នុងប្រទេសឥណ្ឌានេះ ជារៀងចក្រផលិតទូរស័ព្ទធំមួយរបស់ Nokia ដែលមានប្រភពជិតស្និទ្ធរោងចក្រនេះនឹងត្រូវផ្ទេរទៅឲ្យក្រុមហ៊ុន Microsoft ប៉ុន្តែដោយសារតែជាប់ព័ន្ធនឹងពន្ធ ទើបធ្វើឲ្យ Nokia កើតមាននូវការព្រួយបារម្ភ។
មេធាវីនៃនាយកដ្ឋានពន្ធរបស់ឥណ្ឌាបាននិយាយនៅថ្ងៃអង្គារម្សិលមិញថា ក្រុមហ៊ុនហ្វាំងឡង់ Nokia បានជំពាក់ ៧៨ពាន់លានរូពី (ប្រហែល ១,២៨ពាន់លានដុល្លារអាមេរិក) ក្នុងការបង់ពន្ធ។
ក្រុមហ៊ុន Nokia បានរំពឹងថា ជម្លោះរវាងខ្លួន ជាមួយនឹងអាជ្ញាធរពន្ធនៅក្នុងប្រទេសឥណ្ឌានឹងមិនប៉ះពាល់ដល់កិច្ចព្រមព្រៀងទិញ-លក់ ៥,៤ពាន់លានអឺរូជាមួយនឹងក្រុមហ៊ុន Microsoft ដែលនឹងត្រូវបញ្ចប់នៅដើមឆ្នាំ ២០១៤៕
មតិយោបល់