មនុស្សជាច្រើនបានគិតថា ពិភពនិម្មិត(ពិភពហ្គេម) នឹងក្លាយជាកន្លែងដែលមានសុវត្ថិភាពសម្រាប់ពួកភេសរវករ និងការទំនាក់ទំនង ប៉ុន្តែការគិតបែបនោះគឺផ្ទុយស្រឡះ ដោយកាលពីថ្មីៗនេះ មានសេចក្ដីរាយការណ៍ថា ទីភ្នាក់ងារសន្ដិសុខជាតិអាមេរិក និងអង់គ្លេសបានឈ្លបយកការណ៍នៅលើក្នុងពិភពហ្គេម World of Warcraft(WOW) និង Xbox Live ជាច្រើនឆ្នាំមកហើយ។
របាយាករណ៍ដែលចុះផ្សាយដោយកាសែតញ៉ូវយ៉កថាម , ProPublica និង The Guardain ថា ហ្គេម WOW ជាគោលដៅដែលទីភ្នាក់ងារសន្ដិសុខជាតិអាមេរិក NSA និងទីភ្នាក់ងារសន្ដិសុខជាតិអង់គ្លេស GCHQ ឈ្លបយកការណ៍ ដោយពួកគេបានចាប់យកនូវតួអក្សរ និងរាល់ការទំនាក់ទំនងរបស់អ្នកលេងហ្គេមទាំងអស់ ព្រោះក្រុមទីភ្នាក់ងារនេះដឹងថា ក្រុមភេសរវករប្រើប្រាស់វាដើម្បីទំនាក់ទំនង។
ព័ត៌មាននេះត្រូវបានទម្លាយតាមរយៈឯកសារសម្ងាត់របស់លោក Edward Snowden អតីតសមាជិកទីភ្នាក់ងារ NSA។ នៅក្នុងឯកសារបានបញ្ជាក់ថាចាប់តាំងពីឆ្នាំ ២០០៦មក ទីភ្នាក់ងារបានឈ្លបយកការណ៍ទៅលើហ្គេមអនឡាញ ប៉ុន្តែសម្រាប់ហ្គេមអនឡាញលើទូរស័ព្ទដៃមិនត្រូវបានចាត់ចូលក្នុងបញ្ជីនោះទេ។
ក្រុមហ៊ុន Blizzard Entertainment ដែលជាអ្នកផលិតហ្គេម WOW បាននិយាយព្រមគ្នាជាមួយនឹងក្រុមហ៊ុន Microsoft ថា “យើងមិនបានដឹងពីការឈ្លបយកការណ៍នេះ ហើយសិនជាវាដូចទៅនឹងសេចក្ដីរាយការណ៍មែននោះ យើងមិនបានដឹងរឿងនេះឡើយ ហើយយើងក៏មិនបានយល់ព្រមឲ្យធ្វើបែបនេះដែរ”៕
មតិយោបល់