ក្រុមហ៊ុនផលិតរថយន្តដ៏ធំរបស់អាមេរិកដែលមានរោងចក្រផលិតរថយន្តដល់ទៅ 37 កន្លែងនៅជុំវិញពិភពលោកនឹងប្រកាសបិទជាផ្លូវការនូវរោងចក្ររបស់ខ្លួនមួយកន្លែងនៅក្នុងប្រទេសអូស្ត្រាលីដោយមូលហេតុគេជឿជាក់បានថាដោយសារតែតម្រូវការក្នុងស្រុកមានភាពតិចតួចពេក។
ជាលទ្ធផលនៃការបិទរោងចក្រនេះនឹងធ្វើឲ្យកម្មករ 2,900 នាក់បាត់បង់ការងារ។ក្រុមហ៊ុន Holden ដែលជាដៃគូសហការគ្នាក្នុងការផលិតរថយន្តម៉ាក GM នៅក្នុងប្រទេសអូស្ត្រាលីជាក្រុមហ៊ុនដែលមានអាយុកាលជិត 65 ឆ្នាំមកហើយនឹងធ្វើសម្រេចចិត្តបិទរោងចក្រជាផ្លូវការនាខ្ទង់ឆ្នាំ 2017 ហើយមូលហេតុចម្បងដែលមានគឺដោយសារតែតម្លៃការងារខ្ពស់ហើយតម្រូវការក្នុងស្រុកមានទំហំតិចតួចពេក។
Dan Akerson ប្រធានប្រតិបត្តិចាត់ការទូទៅនៃក្រុមហ៊ុន GM បាននិយាយនៅក្នុងការប្រកាសមួយថាការបញ្ឈប់ការផលិតរថយន្តម៉ាក GM នៅក្នុងប្រទេសអូស្ត្រាលីបានធ្វើឲ្យមានភាពប្រសើរឡើងនៃតម្លៃដុល្លារអូស្ត្រាលីហើយជាមួយនឹងតម្រូវការនៃផ្នែកទីផ្សាររថយន្តមានកម្រិតទាបផងវាបានធ្វើឲ្យមានការប៉ះពាល់តិចតួចដល់វិស័យទីផ្សាររថយន្តក្នុងប្រទេស៕
មតិយោបល់