ថ្មីៗនេះក្រុមហ៊ុនអ៊ីនធឺណេតធំៗមួយចំនួននៅលើពិភពលោកបានធ្វើការស្នើរសុំដល់រដ្ឋាភិបាលអាមេរិកក្នុងធ្វើឲ្យមានការកំណត់ឲ្យច្បាស់លាស់មួយទៅលើកម្មវិធីឃ្លាំមើលរបស់រដ្ឋាភិបាលតាមរយៈទិន្នន័យដែលបានមកពីអ្នកប្រើប្រាស់អ៊ីនធឺណេតនោះ។មានន័យថារដ្ឋាភិបាលគួរតែយល់ថាវានឹងធ្វើឲ្យមានការប៉ះពាល់ខ្លាំងដល់ការកើនឡើងនៃការគម្រាមកំហែងដល់ព័ត៌មានផ្ទាល់ខ្លួននិងមុខរបរអាជីវកម្មរបស់អតិថិជនផងដែរ។
លោក Mark Zuckberg ប្រធានប្រតិបត្តិរបស់ប្រព័ន្ធទំនាក់ទំនងដ៏ធំរបស់ពិភពលោក Facebook ក៏ធ្លាប់បានបញ្ជាក់ផងដែរពីគោលជំហររបស់រដ្ឋាភិបាលរបស់អាមេរិកដែលគួរតែធ្វើឲ្យរឿងរ៉ាវនេះមានភាពធូរស្រាលឡើងវិញ។នៅក្នុងលិខិតជាច្រើនទៀតដែលបានមកពីមេដឹកនាំក្រុមហ៊ុនអ៊ីនធឺណេតធំៗជាច្រើនទៀតដូចជា Apple, Google ដែលបានដាក់ផ្ញើររួចរាល់ទៅកាន់ការិយាល័យប្រធានាធិបតីនិងសមាជជាតិ។
ប្រធានប្រតិបត្តិទូទៅនៃក្រុមហ៊ុនយក្ស Yahoo អ្នកស្រី Marissa Mayer ក៏បាននិយាយដែរថាការលេចចេញព័ត៌មានថ្មីៗនេះស្តីពីកម្មវិធីឃ្លាំមើលរបស់រដ្ឋាភិបាលអាមេរិកទៅលើពិភពលោកតាមរយៈទិន្នន័យនៃអ្នកប្រើប្រាស់អ៊ិនធឺណេតបានធ្វើឲ្យមានភាពរង្គោះរង្គើយ៉ាងខ្លាំងដល់អ្នកដែលកំពុងប្រើប្រាស់៕
មតិយោបល់