HAL Tejas ជា​ការផលិត​ក្រោម​គម្រោងការ​គូស​ប្លង់​និង​បច្ចេកវិទ្យា​របស់​ប្រទេស​ឥណ្ឌា​ហើយ​វា​ត្រូវបាន​ដាក់​ឲ្យ​ចាប់ផ្តើម​ផលិត​នៅ​ខ្ទង់​ទស្សវត្ស​ទី 80 ដើម្បី​ជំនួស​យន្តហោះ​ចម្បាំង​ប្រភេទ MiG-21 ។​ស្ថិតនៅ​ក្នុង​កម្មវិធី​មួយ​ដែល​ត្រូវ​បាន​ឲ្យឈ្មោះ​ថា Light Combat Aircraft ដែល​បន្ទាប់មក​បាន​ក្លាយ​ជា​ឈ្មោះ​របស់​យន្តហោះ​ប្រភេទ​នេះ​តែ​មួយ​រយៈ​ក្រោយមក​ត្រូវបាន​លោកនាយក​រដ្ឋមន្ត្រី​ឥណ្ឌា​លោក Atal Bihari Vajpayee ប្តូរ​ឈ្មោះ​ជា Tejas វិញ​។​

​យន្តហោះ​ចម្បាំង​ប្រភេទ Tejas នេះ​ត្រូវបាន​ដាក់​ឲ្យ​ហោះ​សាកល្បង​ជា​លើកតំបូង​នា​ថ្ងៃទី 4 មករា​ឆ្នាំ 2001 ហើយ​នឹង​ដាក់​បង្ហាញ​ឲ្យគេ​ស្គាល់​នៅ​ថ្ងៃ​ទី 20 ធ្នូ​ឆ្នាំ 2013 ។​ផែនការ​ផលិត​ត្រូវបាន​ក្រុមហ៊ុន Hindustan Aeronautics Limited (HAL) របស់​ឥណ្ឌា​ជា​ផ្តាច់មុខ​ក្នុងការ​គូស​ប្លង់​និង​បច្ចេកទេស​ហើយ​អ្នក​ដែល​នឹង​បាន​ប្រើប្រាស់​វា​មុនគេ​នោះ​គឺ​កងទ័ពអាកាស​របស់​ឥណ្ឌា​និង​កងទ័ពជើងទឹក​។​មកទល់​នឹង​ពេលនេះ​ក្រុមហ៊ុន​បាន​ផលិត​បាន​ប្រហែល 13 គ្រឿង​ហើយ​ដោយ​តម្លៃ​ក្នុង​មួយ​គ្រឿង​គឺ​ចាប់ពី​ខ្ទង់ 31 លាន​ដុល្លារ​៕​

ទស្សនាវីដេអូឃ្លិបដូចខាង​ក្រោមនេះ៖