វៀតណាម៖ ប្រទេសវៀតណាមមានសក្តានុពលដ៏អស្ចារ្យដើម្បីក្លាយជាដៃគូពាណិជ្ជកម្មដ៏ធំរបស់សហរដ្ឋអាមេរិកនៅក្នុងតំបន់។ នេះបើយោងតាមសំដីរបស់ លេខាធិការនៃរដ្ឋអាមេរិក លោក John Kerry បានឲ្យដឹងកាលពីថ្ងៃសៅរ៍។
ជួបជាមួយសហគមន៍ពាណិជ្ជកម្មអាមេរិក និងវៀតណាមនៅក្នុងទីក្រុងហូជីមីញ លោក Kerry បាននិយាយថា វៀតណាម ត្រូវបានទទួលកំណើនប្រកបដោយនិរន្តរភាព និងសក្តានុពលដើម្បីចាប់ឡើងជាមួយនឹងការអភិវឌ្ឍនៃពិភពលោកនេះ។
ការទំនាក់ទំនងពាណិជ្ជកម្មរវាងសហរដ្ឋអាមេរិក និងប្រទេសវៀតណាមនៅពេលនេះកំពុងតែមានភាពរលូន និងដំណើរការល្អ។ ពាណិជ្ជកម្មទ្វេភាគីបានកើនឡើងនូវប្រាក់ចំណូល ៥៥.000ដុល្លារសហរដ្ឋអាមេរិកនៅក្នុងឆ្នាំ១៩៩៥ ដល់ ២៥ពាន់លានដុល្លារអាមេរិក នាពេលបច្ចុប្បន្ន។ នេះបើយោងតាមសំដីរបស់មន្ត្រីការទូតសហរដ្ឋអាមេរិក។
លោក Kerry បានឲ្យដឹងថាប្រជាជនអាមេរិកលែងគិតអំពីប្រទេសវៀតណាមដែលមានរូបភាពនៃសង្គ្រាមនោះទៀតហើយ ប៉ុន្តែវាជាប្រទេសមួយដែលមានទំនាក់ទំនងការទូតដ៏ល្អជាមួយសហរដ្ឋអាមេរិក និងសក្តានុពលដ៏អស្ចារ្យសម្រាប់ការអភិវឌ្ឍ។ ទីភ្នាក់ងារព័ត៌មានរដ្ឋរបស់វៀតណាម VNA បានរាយការណ៍ឲ្យដឹង។
គួរបញ្ជាក់ផងដែរថា លោក John Kerry ធ្វើដំណើរទស្សនកិច្ចជាផ្លូវការរយៈពេលបួនថ្ងៃនៅក្នុងប្រទេសវៀតណាម ពីថ្ងៃសៅរ៍ ដល់ថ្ងៃអង្គារ៕
មតិយោបល់