អង់គ្លេស៖នៅរដូវកាលនេះដែរ កីឡាករ Adnan Januzaj រំពេចជាមួយនឹងគ្នានេះដែរ បានក្លាយជាកីឡាករវ័យក្មេងដ៏គួរឲ្យចាប់អារម្មណ៍ នៅ Old Traford ។ មិនត្រឹមតែរឿងលើវាលស្មៅតែប៉ុណ្ណោះ នោះទេ រឿងជីវិតផ្ទាល់ខ្លួន របស់ Januzaj កំពុងរីកលូតលាស់ដូចផ្សិត។
ថ្មីៗនេះដែរ នៅលើបណ្តាញទំនាក់ទំនងសង្គមធ្វីតទ័រ បានបែកធ្លាយព័ត៌មាន ដ៏គួរឲ្យភ្ញាក់ផ្អើលមួយ ដោយបានបញ្ជាក់ថា ខ្សែបម្រើវ័យក្មេងរបស់ បិសាចក្រហម កំពុងតែមានទំនាក់ទំនងជាមួយនឹង តារាចម្រៀង Tulisa Contostavlos ។
ខណៈដែល កីឡាករ Adnan Januzaj មានអាយុ ១៨ ឆ្នាំ មិនដែលមានរឿងអាស្រូវជាសាធារណៈ ហើយស្រីស្រស់ Tulisa Contostavlos ត្រូវបានគេស្គាល់យ៉ាងច្បាស់ថា ជាស្រីស្រស់ដែលមានរឿងអាស្រូវផ្លូវភេទ និងសង្សារជាច្រើន នៅចក្រភពអង់គ្លេស។
មិនយូរប៉ុន្មាននោះទេ នាង Tulisa Contostavlos ត្រូវបានប៉ូលិសទម្លាយរឿងថា មានទាក់ទងនឹងបញ្ហាគ្រឿងញៀន និងជាឈ្មួញកណ្តាល ហើយមុនរឿងនេះដែរនាងក៏ធ្លាប់បានលេចធ្លាយវីដេអូឃ្លិបសិចផងដែរ។
សម្រាប់ នាង Tulisa Contostavlos និង Adnan Januzaj មានអ្នកគាំទ្រជាច្រើនថាមិនអាចទៅរួចនោះទ ព្រោះថា អ្នកទាំងពីរហាក់បីដូចជាបងស្រី និងប្អូនប្រុស ដោយមានអាយុ ខុសត្រូវគ្នារហូតដល់ ៧ ឆ្នាំហើយរឿងនេះដែរជាអន្ទាក់របស់ Tulisa Contostavlos ចំពោះខ្សែបម្រើវ័យក្មេងរូបនេះតែប៉ុណ្ណោះ។
មុនលេចឭទំនាក់ទំនងរវាង នេះ នាង Tulisa Contostavlos ក៏មានទំនាក់ទំនងជាមួយនឹង Danny Simpson តែទំនាក់ទំនងអ្នកទាំងពីរបានត្រឹមតែរយៈពេលខ្លីតែប៉ុណ្ណោះក៏ចែកផ្លូវគ្នា៕
ទស្សនាវីដេអូឃ្លិបបង្ហាញពីជំនាញ់ Adnan Januzaj លើទីលានដូចខាងក្រោមនេះ៖
មតិយោបល់