អ៊ីរ៉ង់៖ ប្រទេសអ៊ីរ៉ង់បានចាប់ខ្លួនបុរសម្នាក់នៅភាគអាគ្នេយ៍នៃទីក្រុង Kerman ពីបទធ្វើចារកម្មស៊ើបការណ៍សម្ងាត់ឲ្យចក្រភពអង់គ្លេស(MI6)។ នេះបើយោងតាមសេចក្ដីរាយការណ៍របស់ទូរទស្សន៍ក្នុងស្រុកចេញផ្សាយនៅសៅរ៍កន្លងទៅ។
យោងតាមការសងស្រង់សំដីរបស់ប្រធានតុលាការ Kerman លោក Dadkhoda Salari បានឲ្យដឹងថា ការចាប់ខ្លួននេះត្រូវបានធ្វើឡើងប៉ុន្មានខែបន្ទាប់ពីមានសកម្មភាពស៊ើបការណ៍មួយ។ បុរសម្នាក់ដែលត្រូវចាប់ខ្លួននោះ បានធ្វើការទំនាក់ទំនងជាមួយនឹងក្រុមស៊ើបការណ៍សម្ងាត់របស់អង់គ្លេសចំនួន ១១ដង ទាំងនៅក្នុងប្រទេស និងក្រៅប្រទេស ដើម្បីដល់ព័ត៌មានទៅឲ្យពួកគេ។ លោក Salari បានបន្ថែមទៀតថា MI6 ជាពួកប្រឆាំងនឹងផលប្រយោជន៍របស់ប្រទេសអ៊ីរ៉ង់។
របាយការណ៍នេះ មិនបានបញ្ជាក់ពីឈ្មោះ និងពេលវេលានៃការចាប់ខ្លួនបុរសម្នាក់នោះទេ ហើយគេក៏មិនដឹងថាបុរសម្នាក់នោះជនជាតិអ៊ីរ៉ង់ ឬមួយអង់គ្លេសផងដែរ៕
មតិយោបល់