ចំណែកទីផ្សារស្មាតហ្វូនរបស់ក្រុមហ៊ុន Apple នៅក្នុងប្រទេសចិនបានស្ទុះឡើងយ៉ាងខ្លាំងកាលពីខែតុលា ហើយបន្តកើនឡើងទៀតដល់ខែវិច្ឆិកា រហូតធ្វើឲ្យ Apple ឈរនៅលើលេខរៀងទី៣។ នេះបើយោងតាមទិន្នន័យរបស់ក្រុមស្រាវជ្រាវទីផ្សារ Counterpoint Research។
នៅក្នុងខែតុលាកន្លងទៅ ចំណែកទីផ្សាររបស់ក្រុមហ៊ុន Apple ក្នុងប្រទេសចិនបានកើនឡើងដល់ ១២ភាគរយ ដោយបានកើនឡើងមួយគុណនឹងបួន ហើយមូលហេតុធំដែលនាំឲ្យកើនឡើងនេះដោយសារតែការលក់ iPhone 5S ខ្លាំងក្លានៅក្នុងប្រទេសចិន។
ក្រុមអ្នកវិភាគបានលើកឡើងថា ទីផ្សារ Apple នៅក្នុងប្រទេសចិន នឹងបន្តកើនឡើងទៀតនៅចុងឆ្នាំ ២០១៤ នេះ ខណៈពេលដែល iPhone 5S និង iPhone 5C មានលក់ម្ដងទៀត៕
មតិយោបល់