អាមេរិក៖ ទីភ្នាក់ងារព័ត៌មានថាមពលរបស់អាមេរិក (EIA) នៅថ្ងៃចន្ទម្សិលមិញនេះ បានបង្ហាញរបាយការណ៍ថ្មីមួយថា ផលិតកម្មប្រេងឆៅអាមេរិកនឹងកើនឡើងដល់កម្រិតមួយដែលជាកំណត់ត្រាខ្ពស់ នាឆ្នាំ ២០១៦ ដែលជាការរីកមច្រើននៃថាមពល នឹងបានជួយផ្លាស់ប្ដូរសេដ្ឋកិច្ចរបស់អាមេរិកទៀតផង។
ផលិតកម្មប្រេងឆៅក្នុងស្រុកនឹងកើនឡើងជារៀងរាល់ឆ្នាំ ដោយកើនឡើងចាប់ពី ៨០០.០០០ ធុងក្នុងមួយថ្ងៃ ទៅ ៩,៥លានធុងក្នុងថ្ងៃនាឆ្នាំ ២០១៦។ នេះបើយោងតាមរបាយការណ៍ចេញផ្សាយដំបូងប្រចាំឆ្នាំស្ដីពីទស្សនវិស័យថាមពលសម្រាប់ឆ្នាំ ២០១៤។
ខណៈពេលដែលការផលិតប្រេងត្រូវបានគេព្យាករថានឹងថយចុះនៅឆ្នាំ ២០២០ ផលិតកម្មឧស្ម័នធម្មជាតិ នឹងកើនឡើងជាលំដាប់ រហូតដល់ ៥៦ភាគរយ ចាប់ពីចន្លោះឆ្នាំ ២០១២ ដល់ ២០៤០។ នេះបើយោងតាមសេចក្ដីរាយការណ៍របស់ទីភ្នាក់ងារថាមពលអាមេរិកបានឲ្យដឹង។
“បច្ចេកវិទ្យាកម្រិតខ្ពស់សម្រាប់ផលិតកម្ម ប្រេងឆៅ និងឧស្ម័នធម្មជាតិ ត្រូវបានបន្តបង្កើនការផ្គត់ផ្គង់ ក្នុងស្រុក និងការផ្លាស់ប្តូរថាមពលសេដ្ឋកិច្ចរបស់សហរដ្ឋអាមេរិក ក៏ដូចជាការពង្រីក សក្តានុពល សម្រាប់ការនាំចេញឧស្ម័នធម្មជាតិរបស់សហរដ្ឋអាមេរិក”។ នេះជាសំដីរបស់លោក Adam Sieminski អ្នកគ្រប់គ្រងទីភ្នាក់ងារថាមពលអាមេរិក។
លោកបានបន្តទៀតថា ជាមួយនឹងកំណើនយ៉ាងខ្លាំងក្នុងការ ផលិតប្រេង និងឧស្ម័នក្នុងស្រុក ការនាំចូលប្រេងឥន្ធនៈរាវ នឹងធ្លាក់ចុះ ដល់ទៅ ២៥ភាគរយនៃការប្រើប្រាស់សរុបរបស់សហរដ្ឋអាមេរិក នៅឆ្នាំ ២០១៦ បានធ្លាក់ចុះពី៤០ភាគរយនៅក្នុងឆ្នាំ ២០១២៕
មតិយោបល់