ទីក្រុងញូវដេលី ៖ទីភ្នាក់ងារសារព័ត៌មានស៊ិនហួចុះផ្សាយកាលពីថ្ងៃទី ២០ ខែ ធ្នូ ឆ្នាំ ២០១៣ នេះបានឲ្យដឹងថាឥណ្ឌាបានសម្រេចទិញបន្ថែមយន្តហោះចម្បាំងប្រភេត C-130J បន្ថែមដល់ទៅ 6 គ្រឿងទៀតពីអាមេរិកបើទោះបីជាភាពតានតឹងផ្នែកការទូតរវាងប្រទេសទាំងពីរនៅមិនទាន់មានភាពធូរស្រាលនៅឡើយជុំវិញបញ្ហាដែលរដ្ឋាភិបាលទីក្រុងវ៉ាស៊ិនតោនបានចាប់ខ្លួនស្ត្រីការទូតជនជាតិឥណ្ឌាម្នាក់នៅក្នុងទីក្រុងញូវយ៉កាលពីសប្តាហ៍មុនក៏ដោយ។
បើយោងតាមប្រភពសារព័ត៌មានមួយរបស់ស្រុកបានបញ្ជាក់ថាសេចក្តីស្នើរដើម្បីដំណើរការទិញយន្តហោះ C-130J នោះត្រូវបានដាក់ទៅឲ្យភាគីអាមេរិកហើយតម្លៃទឹកប្រាក់ដែលត្រូវចំណាយប្រមាណជា 40 ពាន់លានរូពីត្រូវជា 645 លានដុល្លារអាមេរិកក្រោយកិច្ចប្រជុំរដ្ឋសភាជាតិរបស់ឥណ្ឌាដែលដឹកនាំដោយលោកប្រធានាធិបតី Manmohan Singh រូចមក។
កងកម្លាំងទ័ពអាកាសរបស់ឥណ្ឌាបានប្រើប្រាស់នូវយន្តហោះចម្បាំងប្រភេទនេះ 6 គ្រឿងរួចមកហើយនៅក្នុងប្រតិបត្តិការរបស់ខ្លួនរួចហើយនៅក្នុងមូលដ្ឋានទ័ពនៅក្នុងតំបន់ Hindan ក្បែររដ្ឋធានីញូវដេលីនៅពេលដែល 6 គ្រឿងទៀត្រូវបានគេជឿជាក់ថានឹងត្រូវបញ្ជូនទៅកាន់មូលដ្ឋានទ័ពនៅក្នុងតំបន់ Panagarh ភាគខាងកើតនៃប្រទេស៕
មតិយោបល់