កម្មករនៅក្នុងកំពង់ផែនដ៏ធំមួយរបស់ប្រទេសឥណ្ឌូនេស៊ី ដែលមានទីតាំងនៅក្នុងទីក្រុងហ្សាកាតា ប្រមាណជាង ១០០នាក់បានធ្វើកូដកម្មទាមទារឲ្យនាយកប្រតិបត្តិកំពង់ផែនចុះចេញពីតំណែង ប៉ុន្តែការធ្វើកូដកម្មនេះ ត្រូវបានអាជ្ញាធររាយការណ៍ថា មិនបានប៉ះពាល់ការការដឹកជញ្ជូននៅក្នុងកំពង់នោះទេ។
ឥណ្ឌូនេស៊ីជាប្រទេសដែលផលិតប្រេងដូងធំជាងគេនៅក្នុងពិភពលោក ហើយជាប្រទេសផលិតកៅស៊ូ និងកាហ្វេប្រភេទរ៉ូបឺស្ដា លំដាប់ទី២ ព្រមទាំងជាប្រទេសដែលផលិតកាកាវធំលំដាប់ទី៣ផងដែរ។ នៅក្នុងនោះឥណ្ឌូនេស៊ីត្រូវបានគេដឹងថាជាប្រទេសនាំចេញសំណប៉ាហាំង រ៉ែនីកែល និងធ្យូងថ្មីដ៏កំពូលនៅក្នុងពិភពលោកទៀតផង។
យោងតាមទីភ្នាក់ងារព័ត៌មាន Reuters បានឲ្យដឹងថា កម្មករបានធ្វើកូដកម្មនៅកំពង់ផែ Tangjung Priod Port ក្នុងទីក្រុងហ្សាកាតា ដែលកំពង់ផែមួយនេះទទួលបន្ទុកដឹកជញ្ជូនទំនេញចេញ-ចូល ៥០ភាគរយនៃទំនិញប្រភេទប្រេង និងទំនិញស្ងួត។
តំណាងសហជីពកម្មករបានឲ្យដឹងថា ក្រុមកម្មករបានធ្វើកូដកម្មទាមទារឲ្យនាយកប្រតិបត្តិកំពង់ផែចុះចេញពីតំណែង ដោយសារតែ នាយកប្រតិបត្តិរូបនោះខ្វះតម្លាភាពជុំវិញបញ្ហាផែនការជាច្រើន ដែលធ្វើឲ្យកម្មការមិនចេញ។
តំណាងកំពង់ផែបាននិយាយថា ការធ្វើកូដកម្មមិនបានជះឥទ្ធិពលដល់ចរចារណ៍នៃកំពង់ផែឡើយ ព្រោះថាចំនួនកម្មករដែលធ្វើកូដកម្មតិច ហើយគោរពទៅតាមលក្ខណៈដែលអាជ្ញាធរផ្ដល់ឲ្យ ពោលគឺការទាមទារស្របច្បាប់ មិនមានភាពអាណាធិបតេយ្យ។
តំណាងកំពង់ផែបានបន្តទៀតថា ក្រុមកម្មករទាមទារឲ្យនាយកប្រតិបត្តិលោក R.J Lino ចុះចេញពីតំណែង ប៉ុន្តែការទាមទារនេះអាចធ្វើទៅបានលុះត្រាតែមានការសម្រេចចិត្តរបស់រដ្ឋាភិបាល។
តាមការពិតទៅមូលហេតុដែលនាំឲ្យក្រុមកម្មករធ្វើកូដកម្មនោះ ដោយសារតែនៅមុននេះមានការផ្ទេរកម្មករ និងផ្លាស់ប្ដូរធន់ធានមនុស្ស ដែលជាហេតុធ្វើឲ្យពួកគេមិនសប្បាយចិត្ត និងមួយទៀតគឺការដឹកនាំរបស់នាយកប្រតិបត្តិមិនល្អ៕
មតិយោបល់