ចិន៖ កាលពីសប្តាហ៍មុនបុរស ១០នាក់ ជនជាតិចិនត្រូវបានកាត់ទោសឲ្យជាប់ពន្ធនាគាររយៈពេល ២ឆ្នាំ សម្រាប់ការលួច Hack គណនីហ្គេមដ៏ល្បី World of Warcraft (WoW) ប្រមាណជាង ១១.៥០០ គណនី និងលួចបន្លំធ្វើជាម្ចាស់គណនីទាំងនោះថែមទៀតផង។
បើយោងតាមសារព័ត៌មាន Soft Pedia បានឲ្យដឹងថា មនុស្សម្នាក់ក្នុងចំណោមពួកគេមានឈ្មោះថា ឈិន បានចាប់ផ្តើមធ្វើការទិញហើយដំណើរការគណនី WoW ជាធម្មតា។ បុរសម្នាក់នោះ ជាមួយនឹងអ្នកផ្សំគំនិតបានចាប់ផ្តើមចំណាយប្រាក់ ១ដុល្លារអាមេរិក សម្រាប់គណនីមួយ ហើយពួកគេបានលក់ Gold និងឧបករណ៍ប្រើប្រាស់ដែលពួកគេរកបានប្រហែលជា ៣ដុល្លារអាមេរិកក្នុងមួយគណនី។ មិនយូរលោក ឈិន ក៏ចាប់ផ្តើម Hack គណនី WoW របស់បុរសម្នាក់ដែលធ្វើអាជីវកម្មខាងនេះផ្ទាល់ យ៉ាងហោចណាស់ក៏អស់ទឹកប្រាក់ចំនួន ១០.៨០០ដុល្លារអាមេរិកដែរ។
លោក ឈិន ត្រូវបានផ្តន្ទាទោសឲ្យជាប់ពន្ធនាគារចំនួន ២ឆ្នាំ និងបង្គាប់ឲ្យបង់ប្រាក់ពិន័យ ៨.០០០ដុល្លារអាមេរិក ក្រៅពីនេះអ្នកផ្សំគំនិតត្រូវបានជាប់ពន្ធធាគារក្រោម ២ឆ្នាំ និងពិន័យជាប្រាក់ ១.០០០ ដុល្លារអាមេរិក។ រីឯការទទួលបានទំនិញខុសច្បាប់ និងកុំព្យូទ័រដែលត្រូវបានប្រើដើម្បីប្រព្រឹត្តបទល្មើសត្រូវបានរឹបអូសដោយអាជ្ញាធរទាំងអស់៕
មតិយោបល់