រដ្ឋមន្ត្រីថាមពលហ្វីលីពីន Carlos Jericho Petilla បានគ្រោងនឹងលាឈប់ពីតំណែងបន្ទាប់ពី លោកមិនអាចផ្គត់ផ្គង់ថាមពលឡើងវិញសម្រាប់តំបន់ដែលរង់នូវផលប៉ះពាល់ដោយខ្យល់ព្យុះឲ្យបានមុនថ្ងៃណូអែល។
អ្នកនាំពាក្យប្រធានាធិបតីលោក Edwin Lacierda បានអះអាងនៅថ្ងៃពុធកន្លងទៅនេះថា លោក Pelilla នឹងប្រគល់លិខិតលាលែងតំណែងរបស់គាត់ឲ្យទៅប្រធានាធិបតី Benigno Aquino III នៅថ្ងៃព្រហស្បតិ៍។
លោក Lacierda បានថ្លែងនៅក្នុងសន្និសីទសារព័ត៌មានមួយថា “លោក Petilla ជូនដំណឹងខ្ញុំថា លោកមិនបានសម្រេចតាមការសន្យារ បើទោះបីជាទីក្រុងមួយចំនួនត្រូវបានផ្គត់ផ្គង់ថាមពលឡើងវិញក្ដី ប៉ុន្តែនៅមានទីក្រុងមួយចំនួនផ្សេងទៀតមិនបានសម្រេចតាមសន្យារនោះទេ។ ដូច្នេះលោកត្រូវគោរពតាមសន្យា”។
កាលពីខែវិច្ឆិកា កន្លងទៅ លោក Petilla បានប្ដេជ្ញាចិត្តថា ថាមពលអគ្គីសនីនឹងត្រូវស្ដារឡើងវិញនៅតំបន់ដែលរង់គ្រោះដោយសារព្យុះទីហ្វុង ដោយការផ្គត់ផ្គង់នេះនឹងត្រូវសម្រេចឲ្យបាននៅមិនថ្ងៃទី២៤ខែធ្នូ មុនថ្ងៃបុណ្យណូអែលមកដល់ ហើយលោកនឹងលាឈប់ពីតំណែងបើសិនជាកិច្ចការងារនោះបរាជ័យ មិនទាន់កាលកំណត់។
រហូតមកដល់ថ្ងៃអង្គា កន្លងទៅនេះ នៅមានទីក្រុងចំនួន ២នៅមិនទាន់មានតំណភ្ជាប់អគ្គីសនី នៅសម្រាប់បណ្ដាញនោះបានត្រូវបានគេកំណត់រួចរាល់ហើយ ពោលគឺមិនទាន់ភ្ជាប់៕
មតិយោបល់