សៀងហៃ៖ ក្រុមហ៊ុនផលិតរថយន្តធំជាងគេនៅក្នុងពិភពលោក និងជាក្រុមហ៊ុនផលិតរថយន្តបរទេសធំជាងគេនៅក្នុងប្រទេសចិន General Motors បានប្រកាសប្រមូលរថយន្តប្រមាណ ១,៤៦លានគ្រឿង នៅក្នុងប្រទេសចិនកាលពីចុងសប្ដាហ៍មុន។
យោងតាមសេចក្ដីប្រកាសរបស់ក្រុមហ៊ុនបានឲ្យដឹងថារថយន្តប្រភេទដឹកអ្នកដំណើរ Buick Excelle ចំនួន ១.២១៨.១៦៣ គ្រឿងត្រូវប្រមូល និងរថយន្ត Chevrolet ចំនួន ២៤៣.២៩៧គ្រឿងក៏ត្រូវប្រមូលដែរ។
រថយន្ត Buick Excelle ដែលត្រូវប្រមូលគឺផលិតឡើងនៅចន្លោះឆ្នាំ២០០៦ និង ២០១១ ចំណែក Chevrolet គឺផលិតឡើងនៅចន្លោះឆ្នាំ ២០០៩ និង ២០១១។
យោងតាមសេចក្ដីប្រកាស ការប្រមូលរថយន្តនេះ ដោយសារតែការប្រើប្រាស់មួយបញ្ហាផ្នែកម៉ាស៊ីន និងលេចធ្លាយប្រេង។
ព្រមជាមួយគ្នានោះ ក្រុមហ៊ុនផលិតរថយន្ត Ford ក៏បានប្រកាសនឹងប្រមូលរថយន្តចំនួន ៨០.៨៥៧គ្រឿងផងដែរ ដែលនឹងចាប់ផ្ដើមប្រមូលនៅពាក់កណ្ដាលខែកុម្ភៈ។ ការប្រមូលនេះ គឺដោយសារតែមានបញ្ហាទៅលើកង់ និងចង្កួត៕
មតិយោបល់