ទីក្រុងប៉េកាំង៖ប្រទេសចិនកាលពីថ្ងៃព្រហស្បតិ៍ម្សិលមិញបានប្រកាសសេចក្តីថ្លែងការណ៍មួយក្នុងការជម្រុញឲ្យអាមេរិកគួរតែធ្វើការឡើងវិញជាមួយនឹងប្រព័ន្ធសុវត្ថិភាពនិងការការពារបុគ្គលិកជនជាតិចិននិងកុងស៊ុលរបស់ខ្លួនដោយធានាមិនឲ្យមានបញ្ហាដូចជាការវាយប្រហារដោយអគ្គិសភ័យដែលទើបនឹងកើតឡើងនាពេលថ្មីៗនេះឡើយ។
លោក Qin Gang អ្នកនាំពាក្យរបស់ក្រសួងការបរទេសចិនបាននិយាយថាទាំងក្រសួងការបរទេសស្ថានទូតនិងស្ថានកុងស៊ុលចិនប្រចាំអាមេរិកសង្ឃឹមយ៉ាងមុតមាំថាភាគីអាមេរិកនឹងស្វែងដំណោះស្រាយនិងការដាក់ទោសណាមួយទៅលើគ្រោះថ្នាក់លើកនេះ។
គួររំលឹកដែរថានៅថ្ងៃពុធបុរសម្នាក់បានដើរចញពីឡានមួយដែលចតនៅពីមុខស្ថានកុងស៊ុលចិនប្រចាំនៅក្នុងរដ្ឋ San Francisco សំដៅទៅកាន់មាត់ទ្វារនៃស្ថានកុងស៊ុលបន្ទាប់មកក៏ចាក់សាំងពីធុងនៅពីមុខទ្វារច្រកចូលហើយដុតភ្លើងឲ្យឆេះឡើង។ហេតុការណ៍នេះមិនបានបណ្តាលឲ្យមានអ្នកណាម្នាក់រងរបួសទេទ្វារពីរបីបានខូចនិងឆេះអស់។ភាគីចិននឹងបញ្ចេញព័ត៌មានបន្ថែមនៅពេលដែលពេលវេលាមកដល់៕
មតិយោបល់