កាលពីចុងឆ្នាំ ២០១៣ កន្លងទៅនេះ ក្រុមអ្នកវិភាគបានឲ្យជាយោបល់ដល់ក្រុមហ៊ុន BlackBerry ថា គួរតែយកគំរូតាមក្រុមហ៊ុនផលិតរថយន្ត Hyundai មានន័យថា ឲ្យផលិតស្មាតហ្វូនដែលមានតម្លៃទាប ប៉ុន្តែមានទីផ្សារ និងតម្រូវ ប្រសើរជាងផលិតស្មាតហ្វូនតម្លៃខ្ពស់តែគ្មានទីផ្សារ។
នៅពេលនេះ ក្រុមហ៊ុនផលិតស្មាតហ្វូនកាណាដាមួយនេះ ប្រហែលជាស្ដាប់តាមការឲ្យយោបល់ ឬមួយជាយុទ្ធសាស្ត្រផ្ទាល់ខ្លួន ដោយបានបញ្ជាក់ថា នៅឆ្នាំថ្មីនេះ BlackBerry នឹងបង្ហាញស្មាតហ្វូនតម្លៃក្រោម ២០០ដុល្លារអាមេរិក។
លោក John Chen នាយកប្រតិបត្តិក្រុមហ៊ុន BlackBerry ដែលទើបតែឡើងកាន់តំណែងមិនទាន់បានប៉ុន្មានខែផងនោះ បាននិយាយថា ស្មាតហ្វូនតម្លៃក្រោម ២០០ដុល្លារអាមេរិក ដែលជាសមទ្ធិផលថ្មីក្រោមកិច្ចសហការជាមួយនឹង Foxconn នឹងបង្ហាញខ្លួនក្នុងឆ្នាំនេះ។
បើទោះបីជាក្រុមហ៊ុនមួយនេះជួបវិបត្តិធ្ងន់ធ្ងរក្ដី ប៉ុន្តែនៅមានអតិថិជនដ៏ស្មោះស្ម័គ្រមួយរូបទៀតគឺលោកប្រធានាធិបតីអាមេរិក បារ៉ាក់ អូបាម៉ា ដែលនៅប្រើប្រាស់ទូរស័ព្ទ BlackBerry ព្រោះសីតវិមានបាននិយាយថាវាមានសុវត្ថិភាពខ្ពស់៕
មតិយោបល់