ខ្សែប្រយុទ្ធរបស់ក្លិប មាន់ខ្នាយមាស Tottenham កីឡាករ Jermain Defoe បានចុះហត្ថលេខាជាមួយនឹងក្លិប Toronto FC កាលពីថ្ងៃចន្ទ កន្លងទៅ នេះ នេះបើយោងតាមរបាយការណ៍ដែលចុះផ្សាយ របស់ Skysport ។
កីឡាករវ័យ ៣១ ឆ្នាំរូបនេះនឹងធ្វើការហោះហើរទៅកាន់ប្រទេសកាណាដា នៅចុងសប្តាហ៍នេះ ខណៈដែលបញ្ចប់ការកាន់ប៊ិចចុះហត្ថលេខា នោះ។
កីឡាករ Defoe បានចំណាយពេលវេលា ៩ ឆ្នាំ ដើម្បីបម្រើអាជីពបាល់ទាត់នៅក្លិប Tottenham ដោយស្វែងរកគ្រាប់បាល់បាន ១៤២ គ្រាប់ ដោយស្ថិតនៅលំដាប់ទី ៥ ក្នុងចំណោមកីឡាករដែលរកគ្រាប់បាល់បានច្រើនជាងគេ។
ខាងសារព័ត៌មានក្នុងប្រទេសកាណាដា បានធ្វើការចុះផ្សាយថា Toronto នឹងចំណាយទឹកប្រាក់ចំនួន ៦ លានផោន សម្រាប់ Jermain Defoe ដោយធ្វើកិច្ចព្រមព្រៀងតែរយៈពេល ១៨ ខែតែប៉ុណ្ណោះ។
ទន្ទឹមជាមួយនឹងគ្នានេះដែរ ក្លិប Toronto កំពុងចាប់អារម្មណ៍លើកីឡាករ Michael Bradley របស់អាមេរិក ដែលទើបតែមកពី ក្លិប Roma នោះ ។ព័ត៌មានខាងលើ បានបន្ថែមទៀតថា ការទិញកីឡាករទាំងពីរនេះ នឹងត្រូវចរន្តដំណើរការទឹកប្រាក់យ៉ាងហោចណាស់ ១០០ លានដុល្លារ ៕
មតិយោបល់