ក្រុមហ៊ុន Dell ត្រូវបានគេដឹងថាកំពុងតែធ្វើការកាត់បន្ថយកម្លាំងពលកម្មជាទ្រង់ទ្រាយធំសម្រាប់ដើមឆ្នាំ ២០១៤ ទៅលើទីផ្សារសហរដ្ឋអាមេរិក និងអឺរ៉ូប។
យោងតាមសារព័ត៌មាន Business Insider បានឲ្យដឹងថា ក្រុមហ៊ុន Dell គ្រោងកាត់បន្ថយកម្លាំងពលកម្មផ្នែកលក់ និងទីផ្សារចំនួន ២០ភាគរយនៅសហរដ្ឋអាមេរិក និងនៅអឺរ៉ុបចំនួន ៣០ភាគរយ។
ក្រោយពីបែកធ្លាយរឿងនេះ ក្រុមហ៊ុន Dell មិនបានផ្ដល់អត្ថាធិប្បាយអ្វីទាំងអស់ ពោលគឺមិនបញ្ជាក់ថាពិត ឬមិនពិតនោះទេ។
ប៉ុន្តែប្រភពដែលដឹងព័ត៌មាននេះច្បាស់បានបញ្ជាក់ថា បុគ្គលិកដែលត្រូវកាត់បន្ថយនោះបានទទួលព័ត៌មាននឹងបានយល់ព្រមទៅលើលក្ខណៈរបស់ក្រុមហ៊ុនក្នុងការចាកចេញ៕
មតិយោបល់