មួយរយៈចុងក្រោយមកនេះ តារាចម្រៀងស្រីជួរមុខ ផលិតកម្ម ថោន នាង មាស សុខសោភា ពិតជាទទួលបានការចាប់អារម្មណ៍ខុសពីធម្មតា បើទោះបីកន្លងមកល្បីល្បាញក៏ដោយ ។ ភាពល្បីល្បាញចុងក្រោយនេះ គឺការបង្ហាញខ្លួនលើ គណនី Vevo ទៅកាន់ពិភពលោក ។
បន្ទាប់ពីបទចម្រៀង Dace Today ដែលបានបង្ហោះលើទំព័រ Vevo បានធ្វើឲ្យមនុស្សជាច្រើន ជាពិសេសប៉ែកលោក ខាងលិច ស្គាល់តារាចម្រៀងខ្មែរ នាង មាស សុខសោភា កាន់តែច្បាស់ ។ ដោយឡែកកាលពីម្សិលមិញនេះដែរ នៅលើ Vevo ដូចគ្នានាង មាស សោភា បានបញ្ចេញចម្រៀង MV ថ្មី លើគណនីរបស់នាង ក្រោមចំណងជើងថា “All Lies ” ។បទនេះដែរចេញរយៈពេលតែមួយថ្ងៃសោះ មានអ្នកចុចបង្ហាញចំនួន ៩០៨៩ ដង ដែលខុសពីបទខ្មែរមុនៗដែលបង្ហោះលើ YouTube អស់ហើយ ២ ទៅ ៣ ខែ មានអ្នកចុចបង្ហាញតែ ១០០០ ទៅ ២០០០ ដង យ៉ាងច្រើនបំផុត ។
ជាមួយនឹងបទនេះដែរ យើងពិតជាមានមោទនៈភាពខ្លាំងណាស់ជាមួយនឹង មាស សុខសោភា ដែលប្រជ្រៀតខ្លួនចូលទៅកាន់ពិភពលោក តាមរយៈ គណនី Vevo នោះ ។ មាស សុខសោភា អាចនិយាយថា ជាតារាស្រីទី ១ ហើយ ដែលមានឈ្មោះ នៅលើគណនី Vevo ក្នុងចំណោមតារាចម្រៀងស្រីទាំងអស់ក្នុងព្រះរាជាណាចក្រកម្ពុជា៕
ទស្សនាវិដេអូឃ្លិបដូចខាងក្រោមនេះ៖
មតិយោបល់