ដើម្បីជៀសវាងបញ្ហារំលាយអាហារ អ្នកត្រូវយល់ដឹងពីពេលវេលាដែលត្រូវញ៉ាំផ្លែឈើឲ្យបានច្រើនទើបផ្តល់នូវអត្ថប្រយោជន៍សច្រើនម្រាប់រាងកាយ។ អ្នកជំនាញខាងអាហាររូបត្ថម្ភលោក Pallavi Srivastava បានបង្ហាញពីពេលវេលាដែលត្រូវបរិភោគផ្លែឈើដ៏ល្អបំផុតជាប្រចាំថ្ងៃ។
នៅអាកាសធាតុត្រជាក់
ការបរិភោគផ្លែឈើអាចជួយប្រយុទ្ធប្រឆាំងនឹង ជំងឺផ្តាសាយ ដោយសារតែបង្កើននូវប្រព័ន្ធភាពស៊ាំសម្រាប់រាងកាយ ។ ជម្ងឺផ្តាសាយកើតមកពីប្រតិកម្មនៃការផ្លាស់ប្តូរសីតុណ្ហាភាព ឬក៏លទ្ធភាពនៃប្រព័ន្ធភាពស៊ាំរបស់អ្នកចុះខ្សោយ។ ផ្លែឈើផ្តល់នូវវីតាមីន សារធាតុរ៉ែ និង សារធាតុប្រឆាំងអុកស៊ីតកម្មដែលអាចជួយរំលាយធាតុត្រជាក់ចេញពីក្នុងខ្លួន ។ ផ្លែឈើសម្បូរទៅដោយវីតាមីន C មានដូចជា ក្រូច ស្ទប៊ីរី និង ក្រូចឆ្មារស្រស់ ដែលអាចព្យាបាលជម្ងឺផ្តាសាយបាន។ ជាមួយគ្នានេះដែរមានផ្លែឈើមួយចំនួនទៀតដូចជា ផ្លែប៉ោម ផ្លែព័រ និងឪឡឹកដែលជួយពង្រឹងប្រព័ន្ធការពាររាងកាយ។
បរិភោគផ្លែឈើនៅពេលព្រឹក
នេះជាពេលវេលាដ៏ល្អបំផុតដើម្បីបរិភោគផ្លែឈើនៅពេលពោះទទេ ឬស្ថិតនៅចន្លោះរវាងអាហារពេលព្រឹក និងអាហារថ្ងៃត្រង់ ឬក៏ស្ថិតនៅចន្លោះអាហារថ្ងៃត្រង់ និងពេលល្ងាច។
ការបរិភោគផ្លែឈើនៅពេលព្រឹកដោយមិនទាន់មានបរិភោគអ្វីសោះធ្វើឲ្យក្រពេះរបស់អ្នកស្រូបយកសារធាតុចិញ្ចឹមទាំងអស់ពីផ្លែឈើ ហើយលោកអ្នកនឹងទទួលបាននូវអត្ថប្រយោជន៏ល្អប្រសើរជាងពេលណាៗទាំងអស់។
ផឹកទឹកបន្ទាប់ពីបរិភោគផ្លែឈើ
ការផឹកទឹកបន្ទាប់ពីការបរិភោគផ្លែឈើជួយបន្សាបអាស៊ីតនៅពេលដែលអ្នកបរិភោគផ្លែឈើជូរដូចជាក្រូច ក្រូចឃ្វិចជាដើម៕
ចុចទីនេះដើម្បីមើលប្រភពដើមសហការជាមួយនឹងដំណឹង
មតិយោបល់