ក្រុមហ៊ុន Apple បានឲ្យដឹងតាមរយៈសេចក្ដីថ្លែងការណ៍មួយដែលចុះផ្សាយដោយកាសែតញ៉ូវយ៉កថាមថា iPhone 5S មួយចំនួនពិតជាកើតមានបញ្ហាថ្មមែនដោយវាជាកំហុសបច្ចេកទេសរោងចក្រ។នៅក្នុងសេចក្ដីថ្លែងការណ៍បានឲ្យដឹងថា បញ្ហានេះជាកំហុសបច្ចេកទេសរបស់រោងចក្រ ប៉ុន្តែវាមិនបានជះឥទ្ធិពលដល់អតិថិជនគ្រប់រួបឡើយ ហើយមកដល់ពេលនេះ ទើបតែមានអតិថិជនប៉ុន្មាននាក់ប៉ុណ្ណោះដែលជួបនូវបញ្ហានេះ ហើយខាងក្រុមក៏បានប្ដូរថ្មីរួចរាល់ហើយដែរ។
អតិថិជន iPhone 5S បាននិយាយថា បើទោះបីជាប្រើពេលវេលាច្រើនយ៉ាងណាក្នុងការសាកថ្មីក្ដី ក៏ថ្មរបស់ iPhone 5S ពួកគាត់នៅតែមិនចូល ហើយចាប់អស់ដដែល។
ក្រុមហ៊ុន Apple មិនបានបញ្ជាក់ពីចំនួន iPhone 5S ដែលកើតមានបញ្ហានោះទេ ប៉ុន្តែកាសែតញ៉ូវយ៉កថាមក៏ប៉ាន់ប្រមាណថាយ៉ាងហោចណាស់ក៏មានចំនួន ពីរទៅបីពាន់គ្រឿងដែរ។
គួរបញ្ជាក់ផងដែរថា នៅក្នុងរយៈពេល ៣ខែដំបូង ក្រុមហ៊ុន Apple បានប្រកាសថាខ្លួនលក់ iPhone ថ្មីបានចំនួន ៩លានគ្រឿង ដែលនៅក្នុងនោះ iPhone 5S លក់បាន ៧លានគ្រឿង iPhone 5C លក់បាន ២លានគ្រឿង៕
ព័ត៌មានជាតិ
មតិយោបល់