ប្រភពព័ត៌មានរបស់ Skysport ដែលបានចុះផ្សាយកាលពីថ្ងៃទី ១២ ខែ មករា នេះបានឲ្យដឹងថា ក្លិបតោខៀវ Chelase បានចំណាយទឹកប្រាក់ ២០ លានផោន ដើម្បីដេញថ្លៃកីឡាករ Nemanja Matic ពី ក្លិប Benfica មកកាន់តោខៀវវិញ ។
Nemanja Matic ដែលលេងមុខងារជាខ្សែបម្រើ បានចូលរួមលេងឲ្យក្លិបតោខៀវជាលើកតំបូង នៅក្នុងឆ្នាំ ២០០៩ ប៉ុន្តែ បានបង្ហាញខ្លួនលើទីលានតែ ២ ដងតែប៉ុណ្ណោះ មុននឹងចាកចេញទៅកាន់ ប្រទេសព័រទុហ្គាល នៅក្នុងឆ្នាំ ២០១១ ។
ដោយសារតែឃើញលក្ខណៈប្លែក របស់ Nemanja Matic ដែលលេងក្នុងមុខងារខ្សែបម្រើ ខណៈដែលខ្លួនមានខ្សែបម្រើរាងទន់ជ្រោយនោះ Jose Mourinho កំពុងសំឡឹងឃើញ និងចង់ទិញមកវិញសម្រាប់ការផ្ទេរក្នុងខែមករានេះ។
កីឡាករ Nemanja Matic ខណៈដែលលេងឲ្យក្លិប Benfica គេសង្កេតឃើញថា ទទួលបានជោគជ័យយ៉ាងត្រចះត្រចង់ ។
សម្រាប់ការចាប់អារម្មណ៍របស់ Jose Mourinho ដោយចំណាយថវិការតិចនេះ មានប្រភពខ្លះអះអាងថា ប្រការទិញនេះ បច្ចុប្បន្នក្នុងតម្លៃ ៣៧ លានផោន ក្នុងការធ្វើកុងត្រាទិញដូរ នៅរដូវកាលនេះ៕
មតិយោបល់