ប៉េកាំង៖ កំពង់ផែផ្ទុករ៉ែដែកដ៏សំខាន់ៗរបស់ប្រទេសចិនចំនួន ២៥កន្លែងត្រូវបានប្រទះឃើញបរិមាណរ៉ែដែកកើនឡើង កាលពីសប្ដាហ៍មុន។
ចាប់ពីថ្ងៃទី០៧ដល់១៣ខែមករា ឆ្នាំ ២០១៤ ចំនួននៃរ៉ែដែកនាំចូលបានកើនឡើងដល់ ៨៨,៥៧លានតោន ដែលកើនឡើង ៣,១៤លានតោន ស្មើនឹង ៣,៦៨ភាគរយ។ នេះបើយោងតាមរបាយការណ៍ដែលបានចេញផ្សាយដោយទីភ្នាក់ងារព័ត៌មានចិន ស៊ិនហួ។
សន្ទស្សន៍នេះត្រូវបានចង់ក្រងតាមរយៈការស្រាវជ្រាវ និងវិភាគទៅលើកំពង់ផែសំខាន់ៗចំនួន ២៥កន្លែង ដោយបានបង្ហាញថាការនាំចូលរ៉ែដែកបានកើនឡើងខណៈដែលតម្លៃនៃការនាំចូលបានធ្លាក់ចុះ។
របាយការណ៍ក៏បានបង្ហាញទៀតដែរថា ការនាំចូលអាចនឹងមានចំនួនច្រើនជាងនេះប្រសិនបើតម្លៃនៃការចូលនៅតែបន្តធ្លាក់ចុះ វានឹងត្រូវនាំចូលច្រើននៅមុខថ្ងៃចូលឆ្នាំចិនមកដល់៕
មតិយោបល់