ដាណឺម៉ាក៖ វីដេអូឃ្លិបមួយដែលបង្ហាញពី បាឡែនឈ្មោលមួយក្បាលដ៏ធំ បានបែកពោះស្លាប់ នៅលើ កោះ Faeroe Islands ក្នុងប្រទេសដាណឺម៉ាក់ ដែលកំពុងទទួលបានការចាប់អារម្មណ៍ពីសំណាក់អ្នកលេង YouTube ។
KVF ដែលជាបណ្តាញផ្សព្វផ្សាយជាតិ នៅ Faeroese បានធ្វើសេចក្តីរាយការណ៍ថា បាឡែនឈ្មោលធំមួយក្បាល នោះបានដេកស្លាប់ ហើយខាងអ្នកជំនាញ់បានយកដែកចាក់ទំលុះ ផ្នែកឆ្អឹងខ្នងឲ្យផ្ទុះ ដែលធ្វើឲ្យអ្នកសិក្សារូបនោះសឹងគេចខ្លួនមិនទាន់ ព្រោះថាវាផ្ទុះដូចគ្រាប់បែក។
របាយការណ៍បានឲ្យដឹងថា ការផ្ទុះបាឡែនមួយក្បាលនេះបណ្តាលមកពីជាតិស្អុយ និងឧស្ម័ន ដែលនៅក្នុងខ្លួន ក៏បណ្តាលឲ្យផ្ទុះតែម្តង ខណៈដែលគេចង់បានគ្រោងត្រីបាឡែននេះយកដាក់តាំងពិរព័រណ៍នៅសារៈមន្ទីរ។
សូមបញ្ជាក់ផងដែរថា កោះ Faeroe Islands គឺជាដែនកោះមួយដែលស្ថិតនៅក្រោមអធិបតេយ្យភាព របស់ប្រទេសដាណឺម៉ាក់ ដោយស្ថិតនៅចម្លោះប្រទេស ណ័រវ៉េ និង អ៊ីស្លង់ ៕
ទស្សនាវិដេអូឃ្លិបដូចខាងក្រោមនេះ ៖
មតិយោបល់