សម្បត្តិបេតិកភណ្ឌពិភពលោករបស់កម្ពុជា ក្នុងនោះមានប្រាសាទអង្គរវត្ត និងប្រាសាទព្រះវិហារ នៅតែបន្តមានកំណើនចំនួនភ្ញៀវទេសចរណ៍ ចូលមកទស្សនា ក្នុងឆ្នាំ ២០១៣ នេះបើយោងតាមរបាយការណ៍មន្ត្រីក្រសួងទេសចរ។
ប្រាសាទអង្គរវត្ត បានស្វាគមន៍ភ្ញៀវទេសចរអន្តរជាតិប្រមាញ 2,23 លាន នាក់ ក្នុងឆ្នាំ ២០១៣ ដោយកើនបាន ៨ ភាគរយ ក្នុងមួយឆ្នាំៗ ។របាយការណ៍នេះដែរ បើយោងតាម ប្រធានរដ្ឋបាលទេសចរណ៍ក្នុងខេត្តសៀបរាបបានរ៉ាយរ៉ាប់។
ប្រភពខាងលើបាន ឲ្យដឹងថា ភ្ញៀវទេសចរនោះមាន កូរ៉េខាងត្បូង ចិន រៀតណាម ជប៉ុន និងប្រទេសថៃ គឺជាប្រភពធំបំផុត នៃភ្ញៀវទេសចរដែលចូលមកទស្សនាប្រាសាទអង្គរវត្ត ។
ដោយឡែកសម្រាប់ប្រាសាទព្រះវិហារដ៏ស្រស់ស្អាត ក៏បានទាក់ទាញ ភ្ញៀវទេសចរកាន់តែច្រើនឡើងៗ ពីមួយឆ្នាំទៅមួយឆ្នាំ ដោយសារតែកាផ្សព្វផ្សាយទូលំទូលាយ។ទន្ទឹមនេះដែររបាយការណ៍ស្តីពីកំណើនភ្ញៀវទេសចរ បរទេសបានកើនឡើង ៤៩ ភាគរយក្នុងឆ្នាំ ២០១៣ ។
ការកើនឡើងនេះដែរដោយសារតែ វាជាសម្បត្តិបេតិកភណ្ឌពិភពលោក ថែមទាំងស្រស់ស្អាត និង មានសុវត្ថិភាព ជូនដល់ភ្ញៀវទេសចរ។
លោក យូ សុវណ្ណ អនុប្រធាននៃនាយកដ្ឋានខេត្តព្រះវិហារ បាននិយាយថា មានភ្ញៀវទេសចរណ៍ ដែលចូលទៅទស្សនាព្រះសាទព្រះវិហារ មានចំនួន ៤៩ ភាគ នៅក្នុងឆ្នាំ កន្លងទៅ។
បញ្ជាក់ផងដែរថា ប្រាសាទព្រះវិហារ ជាប្រាសាទបែបសាសនា ហិណ្ឌូ ដែលមានទីតាំងនៅលើភ្នំដងវែក មានកំពស់ ៥២៥ ម៉ែត្រ ស្ថិតនៅភាគខាងជើងខេត្តព្រះវិហារ ហើយវាត្រូវបានគេដាក់បញ្ចូលជាបញ្ជីបេតិកភណ្ឌពិភពលោក នៅខែ កក្កដា ឆ្នាំ ២០០៨ ៕
មតិយោបល់