ក្រុមហ៊ុន Nokia នៅថ្ងៃព្រហស្បតិ៍ ម្សិលមិញនេះ បានប្រកាសបង្ហាញប្រាក់ចំណូលប្រចាំត្រីមាសទី៤ ឆ្នាំ ២០១៣ ដែលជាត្រីមាសចេញលក់ស្មាតហ្វូនច្រើនជាងគេ ប៉ុន្តែក្រុមហ៊ុនបានកត់សម្គាល់ឃើញថាការលក់មានការធ្លាក់ចុះ។
ក្រុមហ៊ុនបានរាយការណ៍ថា ការលក់ស្មាតហ្វូននៅក្នុងត្រីមាសតី៤ បានធ្លាក់ចុះ ៥ភាគរយ ដោយ Nokia លក់ស្មាតហ្វូនបាន ៨,២លានគ្រឿង ដោយបានធ្លាក់ចុះពី ៨,៨លានគ្រឿងកាលពីត្រីមាសទី៣។
បើទោះបីជាការលក់ស្មាតហ្វូនរបស់ក្រុមហ៊ុន Nokia មានការធ្លាក់ចុះក្ដី ប៉ុន្តែប្រាក់ចំណូលរបស់ Nokia ដែលបានមកពីក្រុមហ៊ុន NSN, HERE និង Advanced Technologies បានកើនឡើង ១៨ភាគរយ។
គួរបញ្ជាក់ផងដែរថា ក្រុមហ៊ុន Nokia បានលក់អាជីវកម្មទូរស័ព្ទចល័តទៅឲ្យក្រុមហ៊ុន Microsoft ហើយនៅដើមឆ្នាំនេះ កិច្ចព្រមព្រៀងទិញលក់នឹងត្រូវបញ្ចប់ ដោយបុគ្គលិក និងទ្រព្យសម្បត្តិដែលពាក់ព័ន្ធនឹងត្រូវផ្លាស់ប្ដូរផងដែរ៕
មតិយោបល់