អេស្ប៉ាញ៖ប្រធានជាន់ខ្ពស់ក្លិបថ្មីលោក Josep Maria Bartomeu បាន​ទទួច​ឲ្យដឹងថា កីឡាករ Lionel Messi មិនមែន​ជាកីឡាករ​សម្រាប់លក់នោះទេ ហើយក្លិបកំពុងតែ​ធ្វើការចរចារ​ពីរឿងតម្លៃ និងធ្វើកុងត្រា​បន្ត ​ជាមួយនឹង​​កីឡាករ​សញ្ជាតិអាហ្សង់ទីនរូបនេះ​ក្នុងពេលឆាប់ៗ​។​

Lionel Messi នៅពេលនេះដែរ ​បាន​ចាប់ផ្តើម ​​បន្តកុងត្រា​សារជាថ្មីទៀត ​រយៈពេល ២ ឆ្នាំ លើ​​កុងត្រា​ចាស់ដែលមានស្រាប់ ​​ជាមួយនឹងក្លិប មុនខែកុម្ភៈ ​ដោយត្រូវលេងរហូតដល់ថ្ងៃទី ៣០ ខែ មិថុនា ឆ្នាំ ២០១៨ ដោយកុងត្រានេះដែរបាន​ពិភាក្សា​គ្នារួចរាល់ហើយ​។​

លោក Josep Maria Bartomeu ​ដែលត្រូវបានគេលើក​​​មក​ធ្វើជាប្រធានជាន់ខ្ពស់របស់ក្លិប កាលពីយប់ថ្ងៃព្រហស្បត្តិ៍ ខណៈដែល អតីតប្រធានជាន់ខ្ពស់ ក្លិប លោក Sandro Rosell ​​ដែលមានបញ្ហា​​ជាមួយនឹងទំហំទឹកប្រាក់ទិញកីឡាករ Neymar ​​។​

ថ្លែងនៅក្នុងវិទ្យុ RAC1 ​លោក Bartomeu ​ បាន​ឲ្យដឹងថាកីឡាករ Messi មិនមែនទុកសម្រាប់លក់នោះទេ​។​ ដោយ​ក្នុងករណីនេះដែរយើង​មិនប្រញាប់ប្រញាល់នោះទេ ព្រោះតែយើងចង់ឲ្យគាត់ ​ជា​​កីឡាករ​ដែលទទួលបានចំណូលសមនឹង​ទទួលបាន។​ម្យ៉ាងវិញទៀត​យើងគ្មានការជួបអ្វីជាពិសេសនោះទេ ដោយពេលនេះ កីឡាករ សញ្ជាតិអាហ្សង់ទីនរូបនេះ​កំពុងផ្តោត​អារម្មណ៍ទៅលើការប្រកួតប្រជែង។​
សម្រាប់កីឡាករ Lionel Messi ​បាន​បង្ហាញវត្តមាន លើកទី​៤០០ ជាមួយនឹងក្លិប Bacelona ​​​កាលពីសប្តាហ៍កន្លងទៅ ក្នុងព្រឹត្តិការណ៍ Copa del Rey ក្នុង ​វគ្គ ១ ភាគ ៤ ​ដោយជួបជើងលើកដំបូងជាមួយនឹង Levante ហើយក្នុងចំណោម ៤០០ ប្រកួត​ កីឡាករ រូបនេះស្វែងរកគ្រាប់បាល់បាន ៣៣១ គ្រាប់ ដែលក្លាយជាអ្នកលេងរកគ្រាប់បាល់បានច្រើនជាងគេ សម្រាប់ អ្នកមានបុណ្យ Bacelona ​។​

ក្នុងអំឡុងបង្ហាញវត្តមាននៅ Nou Camp Messi បានជួយយកឈ្នះ ពានរង្វាន់ជាកីឡាករលេងបានល្អ លើលោក Ballon d’Or រហូតដល់ ៤ ដង ​នឹងជួយឲ្យ​ក្លិប អ្នកមានបុណ្យ Bacelona ឈ្នះ ពានរង្វាន់ ៦ ក្នុងក្របខណ្ឌ Primera Division និង ពានរង្វាន់ ៣ របស់ក្របខណ្ឌ Champions Leagues និង ពាន ២ ទៀត ​ជាពានរង្វាន់ Copa del Reys ៕