បុរសម្នាក់បានសារភាពថាគាត់បានចូលចិត្តបរិភោគថង់ប្លាស្ទិចតាំងពីគាត់មានអាយុ ៧ ឆ្នាំមកម្ល៉ះ។ តាមប្រភពព័ត៌មានបរទេសនានាបានឲ្យដឹងថាឥឡូវនេះលោក Robert មានអាយុ ២៣ ឆ្នាំ រស់នៅក្នុងតំបន់ Tennessee សហរដ្ឋអាមេរិក នៅតែញៀននឹងការបរិភោគថង់ប្លាស្ទិចដដែល។ រហូតមកដល់ពេលនះគាត់បានប្រើប្រាស់ថង់ប្លាស្ទិចអស់ចំនួន ៦០,០០០ ថង់ដែលគ្រប់គ្រាន់សម្រាប់គ្រប់ដណ្តប់កន្លែងបាល់ទាល់មួយទាំងមូលបាន។ លោក Robert បានសារភាពថាលោកធ្លាប់បានលួចយកថង់ប្លាស្ទិចពីហាងគ្រឿងទេសដើម្បីបំពេញចំណងរបស់ខ្លួន។ គាត់បាននិយាយទៀតថាថង់ប្លាស្ទិចដែលមានពណ៌ផ្សេងៗគឺមានលក្ខណៈខុសគ្នា ជាពិសេសពណ៌ខៀវដែលគាត់ចូលចិត្តបំផុត។ តែទោះបីជាយ៉ាងណាក៏ដោយ ការបរិភោគថង់ប្លាស្ទិចអាចធ្វើឱ្យខូចថ្លើម និងស្ទះពោះវៀន ដូច្នេះលោក Robert មិនគួរបរិភោគវាបន្តទៀតទេ៕
ព័ត៌មានជាតិ
មតិយោបល់