អាវទ្រនាប់ដ៏ឆ្លាតវៃ គឺជាប្រភេទអាវទ្រនាប់ ដែលអាចបើកបាន ប្រសិនបើស្ត្រីនោះ រួមរ័កមេត្រីជាមួយនឹងដៃគូដែលខ្លួនចង់ ឬជាស្នេហាពិត ដោយផ្អែកទៅលើអត្រារលកកម្រិតនៃបេះដូង ។
ដើម្បីអបអរ ខួបគម្រប់ ១០ ឆ្នាំ របស់ខ្លួន ក្រុមហ៊ុនផលិតឈុតក្នុង Ravijour បានធ្វើការអភិវឌ្ឈន៍នូវអាវទ្រនាប់ថ្មី ឬអាវទ្រនាប់ឆ្លាតវៃ ដែលអាចដោះបានចំពោះមនុស្សដែលខ្លួនស្រលាញ់ និងពេញចិត្ត ដែលធ្វើឲ្យ អ្នកគាំទ្រផលិតផលក្រុមហ៊ុនមួយនេះ ភ្ញាក់ផ្អើលយ៉ាងខ្លាំង។
ជាមួយនឹងបច្ចេកវិទ្យាល្អឥតខ្ជោះ អាចជួយឲ្យស្ត្រី គេចផុតពីការបង្ខំរួមរ័ក ស្ទាបអង្អែលសុដន់ ជាពិសេសបណ្តាស្ត្រីដែលរកស៊ី និងបម្រើតាមក្លិប រាត្រី ឲ្យគេចផុតពី ដៃប្រុសព្រាន ក្នុងករណីដែលមិនចង់។
អាវទ្រនាប់ឆ្លាតវៃនេះដែរ អាចដោះវាបាន ដោយវាពិនិត្យ ទៅលើ អត្រាបេះដូងនៃមនុស្ស រួចផ្ញើរព័ត៌មាន តាមរយៈប្លូធូស របស់ស្មាតហ្វូន នោះវានឹងបើកចំហបន្តោងកិបខាងមុខរបស់អាវទ្រនាប់ដោយស្វ័យប្រវត្តិ បើសិនជាក្នុងករណី ដែលអ្នកមានអារម្មណ៍ត្រេកត្រអាលចង់រួមរ័ក ហើយវានឹងពន្លឺសូរសំឡេងថា ”អ្នកគឺជាស្នេហាពិត” ។ តែទោះជាយ៉ាងណាអាវទ្រនាប់ ឆ្លាតវៃនេះដែរ មិនទាន់ចេញលក់នៅលើទីផ្សារនោះទេ ។ក៏ប៉ុន្តែលោកអ្នកអាចមានឱកាសឈ្នះ ក្លាយជាម្ចាស់អាវទ្រនាប់ឆ្លាតវៃនេះ ដោយការបញ្ជាទិញ ក្នុងតម្លៃ ៥០០០ ពាន់យ៉េន ជាមួយនឹងឈុតអាវក្នុងនេះ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់