មានរូបរាងដូចសត្វអន្ទង់ ក្បាលដូចសត្វពស់ ប៉ុន្តែប្រភេទសត្វចម្លែកនេះមានធ្មេញពិតជាចម្លែកខុសពីសត្វធម្មតា ដែលរស់នៅក្នុងទឹក និងលើគោក នៅក្នុងពិភពលោក។
លេចឡើងនៅលើ ទំព័រ Reddit រូបថតសត្វចម្លែក ដែលមានធ្មេញគួរឲ្យខ្ពើមនេះ ទទួលបានការចាប់អារម្មណ៍ ពីបណ្តាអ្នកលេង ទំព័របណ្តាញទំនាក់ទំនងសង្គម ។
បើយោងតាម អ្នកដែលបង្ហោះរូបភាព សត្វចម្លែកនេះ បានឲ្យដឹងថា ប្រភេទសត្វចម្លែកត្រូវបានរកឃើញនៅ តំបន់ឆ្នេរសមុទ្រ នៃទីក្រុង Murmansk ភាគពាយព្យ ប្រទេសរុស្ស៊ី ។
គ្រាន់តែក្រឡេកមួយភ្លែត មនុស្សជាច្រើន អាចសន្និដ្ឋានថា វាជាសត្វពស់ តែផ្ទុយស្រឡះ វាជាប្រភេទសត្វដ៏កម្រ ដែលប្រឈមនឹងការផុតពូជនៅលើលោកនេះ។
បើផ្អែកទៅលើ អក្សរសាស្ត្រ វិទ្យាសាស្ត្រ វាត្រូវបានគេហៅថា ជា ឆ្លាមជីងចក់ តែបើសិនហៅជាអក្សរឡាតាំងវិញ គឺ Chlamydoselachus ដែលមានសណ្ឋានដូចពស់ ។ ប្រភេទឆ្លាមជីងចក់ នេះ វារស់នៅ ក្នុងជម្រៅទឹកសមុទ្រ ១៥០០ ម៉ែត្រ ។ ជាមធ្យម ឆ្លាមជីងចក់កម្រ នេះ វាមានប្រវែង ១,៧ ទៅ ២ ម៉ែត្រ ដោយផ្អែកទៅលើ ឈ្មោល និងញី។បច្ចុប្បន្ននេះដែរ ដោយសារតែ អត្រាមានកូនទាប និង ការនាំចូលទៅកាន់ទីផ្សារតម្លៃថ្លៃ វាកំពុងប្រឈមនឹងការផុតពូជ ៕
មតិយោបល់