ក្រោយពីចំណាយពេលប្រមាណ ៦ខែក្នុងការស្វែងរកនាយកប្រតិបត្តិថ្មីមក នៅពេលនេះក្រុមហ៊ុន Microsoft បានប្រកាសតែងតាំង លោក Satya Nadella ដែលជាបុគ្គលិកចាស់វស្សារបស់ខ្លួនឲ្យឡើងកាន់តំណែងមួយនេះ។
តើលោកអ្នកដឹងទេថា ប្រាក់ខែរបស់លោកនាយកប្រតិបត្តិថ្មីនេះមានចំនួនប៉ុន្មានដែរ?
យោងតាមការឲ្យដឹងពីសារព័ត៌មាន Wall Steet Journal បានបញ្ជាក់ថា លោក Nadella នឹងទទួលបានប្រាក់ខែគោលចំនួន ១.២លានដុល្លារអាមេរិក ដែលច្រើនជាង ៧០នៃប្រាក់ខែគោលរបស់លោក Steve Ballmer អតីតនាយកប្រតិបត្តិចាស់ ដែលប្រកាសខ្លួនចូលនិវត្តន៍។
ប្រភពដដែលបានបញ្ជាក់ទៀតថា លោក Nadella នឹងទទួលបានលើកទឹកចិត្ត ក៏ដូចជាភាគហ៊ុនជាច្រើនទៀតនៅចុងឆ្នាំ ២០១៤ និងនៅក្នុងឆ្នាំ ២០១៥ ហើយតាមការឲ្យដឹង នៅឆ្នាំ ២០១៥ លោកនឹងទទួលបាន ១៣.២លានដុល្លារអាមេរិកនៃភាគហ៊ុន៕
មតិយោបល់