ថ្មីៗនេះអ្នកវិទ្យាសាស្ត្របានធ្វើការបង្កើតក្បាលមនុស្សជាលក្ខណៈ 3D ចេញពីលលាដ៏ក្បាលដែលមានអាយុកាល ១,៨០០ ឆ្នាំ។ ឆ្អឹងលលាដ៏ក្បាលនេះគឺជាផ្នែកមួយនៃគ្រោងឆ្អឹងមនុស្សបុរាណដែលកប់នៅក្នុងតំបន់ឆ្នេរសមុទ្រភាគខាងត្បូងប្រទេសអង់គ្លេស។ គ្រោងឆ្អឹងនេះត្រូវបានរកឃើញជាលើកដំបូងនៅក្នុងឆ្នាំ ១៩៥៣ ដោយតាមការប៉ាន់ស្មានរបស់អ្នកស្រាវជ្រាវបានឲ្យដឹងថាគ្រោងឆ្អឹងនេះគឺជាមនុស្សស្រីដែលរស់នៅក្នុងកំឡុងឆ្នាំ ២៤៥ គឺជាប្តីប្រពន្ធ ឬគូស្នេហ៍របស់មន្ត្រីមូលដ្ឋាននៅក្បែរផ្នូរបុរាណរ៉ូម៉ាំង។ អ្នកស្រាវជ្រាវ Jo Seaman បាននិយាយថា តាមរយៈការធ្វើតេស្តបង្ហាញឲ្យឃើញថាស្ត្រីម្នាក់នេះអាយុប្រហែលជា ៣០ ឆ្នាំ ហើយនាងមិនមែនស្លាប់ដោយសារជម្ងឺទេ ព្រោះគ្រោងឆ្អឹងរបស់នាងគ្មានស្លាកស្នាមដែលបញ្ចាក់ពីការរង់ទុក្ខវេទនាឡើយ។
នៅក្នុងពេលថ្មីៗនេះដែលអ្នកស្រាវជ្រាវបានធ្វើការបង្កើតក្បាលមនុស្សជាលក្ខណៈ 3D ដោយប្រើលលាក្បាលបុរាណនេះឡើង ដើម្បីឲ្យប្រជាជនយល់ដឹងពីភាពទូលំទូលាយរបស់នៃវប្បធម៌ រ៉ូម៉ាំង៕
មតិយោបល់